Bluebird Coffee (樂基商業中心) (已結業)

呢間餐廳熱潮不斷，我都想去見識一下藍色嘅咖啡廳到底有咩過人之處。去到條人龍真係嚇親我，可能正值中午放飯時間，呢一間餐廳亦都提供輕便午餐之選擇：有沙律同三文治。另外見到甜品櫃嘅甜品都幾多，專登揀咗幾款試，可惜評價真係好麻麻。藍莓芝士蛋糕同一般嘅好唔同，有種奶粉味，芝士菠菜酥，因為撞正佢啱啱出爐所以叫咗一個，除咗個皮好食之外，餡料真係太少喇，以$37嘅價錢嚟講又唔飽肚，又唔化算。始終係咖啡店，我相信咖啡應該會出色一啲，特別見到佢有唔同咖啡豆俾人選擇。想要淺烘焙又得，中又得， 深又得！