UFUFU CAFE (荃灣廣場)

營業中

休息中

今日同個舊同學見面，揀左商場入面呢間日西fusion嘅咖啡店，木系風裝修，令人感覺悠閒寫意！餐廳主要食甜點，都有少量鹹點菜式。閒日嘅餐廳都坐滿唔少人，見到佢地檯嘅甜品令人流晒口水。點選照燒親子雞薄餅以及兩個甜品分別係芒果派對以及咖啡芝士忌廉芭菲。Pizza嘅照燒醬汁非常惹味，再加上雞肉同雞蛋，味道好豐富，表面再唧埋沙律醬，好好食，亦好符合佢親子呢個名！批底香脆可口，滿意。芒果派對，超級美美，用上唔少花去裝飾，食得又睇得，so yummy！多士好味道亦好邪惡，外酥香內軟熟，加埋蜜糖同雪糕一齊食就更加一絕！再夾埋新鮮香甜嘅芒果同忌廉又係另一種風味，好食到心內大叫左好多次oiishi!咖啡芝士忌廉芭菲，雪糕再加埋啡味香氣，口感綿滑，香氣滿溢。再淋上小杯熱咖啡，令咖啡味更香濃，味道豐富，好滋味！朋友畀佢嘅咖啡吸引咗，點咗mocha咖啡，好香，咖啡味香又濃，盛讚比連鎖咖啡店好飲。