影片
更多
2008-05-22
14 瀏覽
咋日(21/5)晚上同朋友來到這間食buffet,本來我食butffet凈系識去酒店, 不過今次之後就識多左門路啦。6:15已經去到, 未開始就坐下先, 白色為主, 感覺簡單整潔而且幾靚。6:30一位侍應先生同每一"木台"示意我地可以開始去擰野食,甘就個個都出去擰啦!!我先試d凍肉類, 種類都幾多既, 有芒果鴨胸, 有煙三文魚等等, 味道都ok。朋友就食海鮮, 青口, 生蠔等等, 我試左一個青口, 幾好味,生蠔我無食...因為未試過, 加上今日有d唔舒服, 怕受唔到, 不過吃左一個熟的,佢系好多蠔粒放系一個穀上, li款味道好好。佢有好多沙津既材料, 好似粟米粒, 細條既粟米, 菜, 蘑"姑", 豆等等, 沙津醬都有幾款, 可以自己自製岩自己既沙津!!另外有廚師切牛柳, 你示意想要佢就會切俾你, 你亦可以同佢講想要多的, 味道系可以的。熟食有d細細件既牛扒, 三文魚塊等, 佢地炸同煎到好乾, 有d人可能會唔中意,不過好香口, 我就覺得都幾好, 哈哈佢仲有d用好細個既碟/碗盛住既一份份既食物, 有一款系一細磚豆腐上有d醬汁同肉鬆, 系最最最好味!!! 豆腐滑, 加上肉鬆同醬汁, 有點日式
本來我食butffet凈系識去酒店, 不過今次之後就識多左門路啦。
6:15已經去到, 未開始就坐下先, 白色為主, 感覺簡單整潔而且幾靚。
6:30一位侍應先生同每一"木台"示意我地可以開始去擰野食,
甘就個個都出去擰啦!!
我先試d凍肉類, 種類都幾多既, 有芒果鴨胸, 有煙三文魚等等, 味道都ok。
朋友就食海鮮, 青口, 生蠔等等, 我試左一個青口, 幾好味,
生蠔我無食...因為未試過, 加上今日有d唔舒服, 怕受唔到, 不過吃左一個熟的,
佢系好多蠔粒放系一個穀上, li款味道好好。
佢有好多沙津既材料, 好似粟米粒, 細條既粟米, 菜, 蘑"姑", 豆等等,
沙津醬都有幾款, 可以自己自製岩自己既沙津!!
另外有廚師切牛柳, 你示意想要佢就會切俾你, 你亦可以同佢講想要多的,
味道系可以的。
熟食有d細細件既牛扒, 三文魚塊等, 佢地炸同煎到好乾, 有d人可能會唔中意,
不過好香口, 我就覺得都幾好, 哈哈
佢仲有d用好細個既碟/碗盛住既一份份既食物, 有一款系一細磚豆腐上
有d醬汁同肉鬆, 系最最最好味!!! 豆腐滑, 加上肉鬆同醬汁, 有點日式 ;)
甜品方面都系好多用好細既玻璃杯盛著, 細細份甘, 唔怕擰左之後唔中意食會浪費,
又可以試多幾款, idea唔錯!! 有朱古力mousse, 馬豆糕, 朱古力蛋糕等等,
有好多都幾好味, 賣相都幾靚tim咖!! 之後佢仲出左米糠芝士杯,
blueberry cheese cake等等, 芝士味好濃, 味道唔錯!!
壽司同魚生我地無食, 好飽, 同埋想試多d其他野, 不過見好多人擰, 好似都ok
服務方面, 有一個侍應無咩笑容, 同埋佢個樣真系好惡, 哈哈, 我有d驚驚地 =P
不過有一位(帶我地位同埋同我地講可以開始擰野食)就好好笑容, 好親切,
換碟速度都好快, 只系試過一次擰完野食返到去系無換, 不過同場甘多人都算系甘。
衛生方面, 座位個d ok, 一開始去擰野食d碟都系好乾淨, 不過去到中段,
開始要用岩岩洗完個d碟個陣開始有d問題!!!!!!!! d碟好多水(無抹乾),
最大問題系, 我見到上面有因為未洗乾淨留下既醬汁, 系好明顯系抹過,
不過抹唔乾淨而留下的, li樣好唔得, 我擰起左隻碟都立即放返低。
價錢加一後大約$200一位, 食物質素唔差, 算系便宜, 所以可以一試的。
張貼
