SHAKE!T

營業中

休息中

最近係旺角行街都唔難發現嚟間新開嘅Shake It，店鋪外表有啲似FiveGuys 但係就無薯條漢堡呢啲。而係相對健康好多嘅水果奶昔同埋賣相吸引的窩夫。而且Milkshake第二杯有半價，窩夫就買二送一，同朋友一齊食野既既啲啲又可以食多種口味！紫薯奶昔$50唔會太甜，紫薯一啲都唔慳，飲到最後都重有，一杯真係飽！配料可以加亞麻籽，奇亞籽或西米。泰國金枕頭榴蓮奶昔$75 呢杯奶昔定價係高，但係真係比原粒金枕頭榴蓮你，配料可以加亞麻籽，奇亞籽或桃膠。喜馬拉雅岩鹽焦糖窩夫(爆谷) 簡單嚟講就係爆谷味窩夫，上面擠滿吉士醬，真係甜得嚟又邪惡，即時炮製的窩夫外層脆脆，切開鬆軟，食完一啖就忍唔住再食多啖。減肥嘅人士請回避！我就唔客氣啦！澳洲牛油果窩夫牛油果足足有半個，岩岩好半熟，軟硬適中，底層的窩夫一樣配吉士醬，窩夫應該就只有上面的配料不同，同朋友食的話，只要試不同的配料就可以了。