HeSheEat (綠楊坊) (已結業)

說到疏乎厘pancake我就會諗起呢間 hesheeat，想不到主菜都同樣出色，今次 我 點 咗 brunch，材料非常豐富，一個足夠三個人食😂有煙三文魚、炒蛋、炒菠菜、沙律菜、薯餅、大啡菇、巴馬火腿、德國香腸同埋牛角包等等。 當中每款味道都不錯，特別係牛角包外脆內軟，牛油味非常香，配搭其他配料真的不錯。另外點了BBQ 豬肋骨拼著條，肉質軟腍，BBQ醬非常惹味，薯條炸得香脆，份量亦非常多。重點當然梳乎厘班戟🥞，我選擇了宇治抹茶黑芝麻味，非常鬆軟，入口即化，宇治抹茶味配搭非常合適，仲有小丸子煙靭香甜。Homemade Strawberry Mojito 呢杯啱晒解油膩，清新香甜，如果喜歡特別一啲嘅話可以點tiramisu咖啡，味道偏甜，打卡一流。