京林屋 (明宮閣) (已結業)

相比於銅鑼灣嗰間分店，呢一間分店嘅位置環境更加闊落，更加舒服，忙裏偷閑一下，飲番一杯熱茶，食返個甜品，係一個非常之不錯嘅選擇。呢一杯熱嘅培茶鮮奶其實就同我地不嬲飲開嘅奶茶冇乜大嘅分別，都係茶加奶。但係佢嘅茶香就比起紅茶香千倍。未飲落去已經聞到佢嘅茶香，香氣持久。再加埋鮮奶的奶香，好舒服。蕨餅係我好鍾意食嘅一個日本甜品，但係我通常食都係原味，即係透明果一種。今次食綠茶呢個味道感覺都唔錯，無我想像中怕苦。但我特別鍾意佢嘅彈牙軟熟口感，可以做到同日本差唔多。呢一個綠茶蛋捲亦都比我想像中好食，唔知係咪日本嘅甜品零舍唔同呢。食落去嘅蛋糕軟身好多，而入邊嘅抹茶忌廉好軟滑，但又有啲似雪糕，配合得十分之好。