甜圓坊

營業中

休息中

個日關門前45分鐘去到，啲姐姐係咁話: 我哋準時就要走架啦，起碼提左四至五次，聽起黎好似唔想接我哋呢枱咁。我哋坐都未坐低食，而且我哋都冇打算久留，都係諗住食完個糖水就起身，可以唔洗咁多番提醒。最後我哋都係關門前走左。呢度原來有最低消費，好似每人二十蚊，我哋叫左招牌綜合芋香挫冰、嫩仙芋奶凍同埋原味蛋餅。其實兩個甜品啲料差唔多，分別在於有冰同冇冰。料都幾豐富，有芋圓、小丸子、西米、紅豆、薏米同珍珠，挫冰會有芋頭肉添。佢啲冰係好大粒嘅冰黎，對於我呢啲牙齒敏感嘅人黎講不了，食左一啖就冇食，但個一啖都感覺唔到啲咩味，好似就咁含左啖冰入口咁。佢個仙草凍有俾個淡奶仔你去自己決定加唔加，咁梗係加左好食啲啦。佢啲芋圓同丸子類都好煙韌，但又唔會話要花好長時間去咬。整體佢嘅甜品都唔會好甜，料多到可以食飽肚，同人share實冇死。佢個咸點蛋餅好香煎蛋味，仲食到蛋黃嘅香。個皮就有啲厚但料就有啲單薄，同出面台灣餐廳個啲冇得比，不過呢個價錢都抵嘅，喺出面一定唔會用呢個價錢食到。