哈妃 (已結業)

游水班帶住三隻馬騮去逛花卉展覽後，佢哋個個都好肚餓，在維園附近搵咗呢間餐廳，唔係最近便，不過食評口碑好似唔錯！去到門口放咗幾個彩色圖片大餐牌，店內地方唔大，落地玻璃窗，加日式木桌椅，乾淨光猛，餐牌以甜品為主，店員解釋午餐熱食只有一款焗飯，雖然有啲失望，都係食咗至講，焗飯要等一點時間，耐心等候！芝士焗宮崎豬扒飯（$88）賣相幾靚，份量唔大，豬扒碎上，鬆軟有肉汁，有多切角蕃茄，好熱好多汁，酸酸地開胃，白飯索晒啲汁，微濕好濃味好食！中央夾雜啲溶咗嘅芝士絲！好味到即刻encore多一客青蘋果梳打（跟飯加$15）支裝有汽蘋果汁，味道微甜，清爽唔假！玫瑰花茶（跟飯加$10）粉藍色瓦杯好靚，茶包透出粉紅色花瓣，好靚，茶味唔假（太多似飲緊沐浴露）好清爽嘅茶味！蛋黃楊枝甘露（$68）肥髀食，賣相特別，中央一個蛋黃波波，淋上另上嘅芒花醬，將玻璃杯嘅材料撈勻，變成正常嘅楊枝甘露，好多柚子肉，味道清甜唔澀，芒果味唔濃，味道甜甜酸酸開胃，跟盤上嘅連皮芒果太酸（盲佬食咗都開眼）賣相特色！經典心太軟（$68）姨甥食迷你雪榚漢堡（$68）我同媽咪分享，三個迷你漢堡，雪榚味道無得揀（呍呢嗱、朱古力、雜莓）得食咗雜莓，漢