Gaba Concept (已結業)

難得星期日同老公拍拖，最好四圍搵下食。我哋搵食大前題係：一、有素食滿足我二、有肉食滿足我老公於是搵到呢間有Green Menu的Gaba Concept。環境：星期日晚都幾靜，大約得十個客，裝修幾簡約，環境同座位都寬敞舒服。服務：一入去就覺得好惘然，因為無人主動招呼，要我哋自己走去收銀機前搵員工：「唔該，訂咗兩位」。晚餐全程都感覺無人服務，次次都要揮哂手大叫唔該先有人行來。如果地方太大或太繁忙當然無所謂，但當日咁悠閒一眼望哂全埸，職員都好似遊魂咁就真係有點失望。食物：南瓜菠菜千層麵南瓜味不夠濃，麵好韌，一切落去已經變成一pieh野，但整體唔算難食，如果肚餓都會覺得幾好味添。甜品Beanpoleon賣相非常吸引，用腐皮來做西式甜品都係第一次試。單食腐皮當然無咩好食，但拌埋入面的custard外脆內軟就好好味。上面係菠蘿乾，外型配搭一流，但口感太韌，我都老公都食到上顎損咗。呢款甜品總算令全晚值回一點票價，不過要等成半粒鐘先有得食，都真係等到燥燥地架﹗總結：餐牌選擇唔多，我老公仲問我：「點解全部係小食，無main dish嘅﹖」確實係得幾款pasta，而且餐牌無分類，有啲難睇。去食甜品係ok