糖佰府 (已結業)

係九龍城食完飯緊係要食埋甜品la~~~今次試下依間個名好特別既糖佰府。唔好睇佢門口細細，但係入面都幾深下，坐位都算多，而且仲有個獨立洗手間，都算乾淨。榴槤果肉好大舊，佢地仲要係用榴槤漿撈埋一齊，味道濃郁帶點點甘味，仲有好香既榴槤味。另外加上豆腐花底，豆腐好滑。配角有椰果，小丸子同水晶珠，好有咬口，幾樣質地唔同既野放埋一齊感覺好特別。賣相已經好靚。芒果肉係則邊點綴，一d都唔酸。拿破崙外皮十分鬆脆咬落卜卜脆而且入口即溶。有兩層自家製香軟既吉士醬，味道同平時食開既唔同。