Gram Cafe & Pancakes (已結業)

黎到呢間叫gram cafe既甜品專門店，d甜品真係好足gram呀～岩曬d甜品魔黎食呀，件件都勁多cream，食完真係滿足曬！店舖門面就夠曬大喇，入到去仲播住d好悠閒既英文歌，係度慢慢坐下，做下野都真係幾放鬆，雖然食用時間就限左2小時，但如果少人既話，都唔係汁得好正，唔會chur你交枱。裝修方面，就用左淺色木色，配搭埋北歐風既淺藍簡約裝修，岩曬現代簡約風愛好者。咁一黎就梗係叫佢個招牌既梳乎里panacke黎食先喇，如果要等耐d，員工都會温馨提示下，咁大家就有心理準備要等耐dd，一般都十幾分鐘就上枱，呢個cake就夠曬鬆軟，又足cream，食落真係好滿足！！！另外一件就叫左時令日本哈密瓜雪糕甜品，生果夠曬甜又新鮮，同樣好味。