Doux (已結業)

Doux夜晚環境比較黑，由於係樓上關係，覺得都幾有情調，今次我就同朋友慶祝生日，鋪面枱同枱之間多空位，人唔算好多，坐得幾舒服，岩哂吹水haha-西西里開邊牛油龍蝦龍粉🦐🍝係相機食先既賣相啊😍原隻小龍蝦上，意粉用茄汁煮，酸酸辣辣的開胃，整體味道幾好食，正正常常，但依個價錢略嫌貴左d，因為都唔算好大份。-北海道輕煎帶子泡菜蜆肉意大利飯🥘依個意大利飯反而有驚喜😍🤤配搭特別，原來泡菜配意大利飯都幾夾架，不過真係有d辣，仲愈食愈辣😂😂但好滋味！意大利飯中間仲有唔少蜆肉，帶子都爽口。-雙層焦糖厚班戟配鐵觀音雪糕依個班戟唔係sell空氣感既，食落似食緊鬆軟既蛋糕咁。鐵觀音雪糕小小茶味，奶味濃啲，不過都幾特別，班戟連雪糕一齊食無過甜不得止，仲幾夾！我覺得幾好食架。最鐘意係班戟上面既焦糖脆脆！-最後係朋友既生日甜品，好多都好靚，完全係選擇困難症。最後簡左Ruby Peach，好精緻啊伴碟！😍😍桃味幾濃，裡面既慕絲都好好食，唔會太甜。