莆源冰室

營業中

休息中

今晚一個人自己食飯又唔知想食乜，結果做完嘢行過呢睇吓有咩餐廳，見到呢間舖入邊都算有啲人氣，相信出品應該唔差，所以入去試試，$48一個晚飯包一杯飲品。性價比都算OK吧！見到佢有焗豬扒飯諗起大xx嗰啲，又即管試下呢間得唔得，結果嚟到賣相過關，啲飯都一粒粒，但係啲汁太多，對於一啲想減肥嘅人嚟講，呢個都係一個充滿罪惡感嘅飯。豬扒算多亦都唔硬，味道甜甜酸酸，如果汁減少啲啲就更好，而且個茄汁比較甜，明顯係糖份比較多，所以好邪惡。另外蔬菜只有幾粒菠蘿，1.5片蕃茄，碟頭飯唔夠菜食，偶然一次還可以。杯咖啡係普通茶餐廳水準，沒有驚喜。