Goobne Chicken (荃新天地)

營業中

休息中

又嚟到突然好想食韓國嘢既日子喇，今次就揀左有好多分店既goobne chicken,仲記得第一次食嗰時喺尖沙咀，排隊排到老。。。但又好好食bo,好彩佢依家有好多分店ja平日既晚上，好彩5洗點等位，喺友善既職員帶領下，摩拳擦掌咁望餐牌淨係烤雞都好多款，我記得上次食左咖哩同甜辣醬，都係好食既，今次就揀果味蒜香烤雞 好大碟丫，勁香，雞好入味，烤雞烤到個皮好香脆，甜甜地，好清新，d 醬又覆蓋雞嘅每一部份，一個字來形容，沙律好大碗，一路食烤雞一路食啲清新啲嘅嘢，感覺上好像健康啲😂無錯，係要自欺欺人下😂😂😂飲品方面，我同叫左2隻不同味既酒，依杯係西柚嘅味道，酸酸地，思樂冰咁另一杯係眾所周知嘅蘋果酒，適合女仔們飲的，不過小編建議，唔飲得酒都係唔好飲咁多😂總括而言，烤雞整到咁juicy , 又可以慢慢食，正！