一芳台灣水果茶 (已結業)

同為食友人出街一定會飲台式飲品，今次行到攰就去飲一芳水果茶。成十點幾十一點都有堆人喺度排隊，果然係有名氣嘅台式飲品店。叫左杯大嘅一芳水果茶半糖少冰，盛惠$33。係幾好飲嘅，飲到淡淡嘅茶味加埋水果嘅甜味，好新鮮嘅味道。差唔多飲完就開蓋食水果，嘩超級甜，懷疑加左成匙糖槳落啲水果度，真係食到打冷震。如果下次再飲要叫微糖。前幾日北上飲過水果茶，感覺整體上比一芳好味，平啲茶味又濃啲，起碼水果唔會痴住成啖糖槳。