下一站...甜品 (已搬遷) 新店位置

最近成日周圍去食甜品，以前多數都係試尖沙咀/旺角嘅甜品店，因為方便食完晚飯响附近隨意揀間黎試。但之前近X'mas時同朋友食完飯，又想揾甜品食，就跟左佢地車黎佐敦文英樓附近呢間 "下一站...甜品"。第一次，叫左個三色焦糖燉蛋， 可以一次過試晒幾隻味道......食呢個甜品係有次序架，老闆好有心機咁介紹: 要先食青檸味(前)，跟住食伯爵紅茶味(中)，再黎呍呢拿味(後)。因為味道又清至濃，如果唔順序食就食唔到真正嘅味道。個人最喜愛青檸，夠Fresh唔會好甜，少少酸好開胃...伯爵紅茶同埋呍呢拿就比較濃味，味道都唔錯，但食得多會有d漏....所以第二次再去都係為左個青檸焦糖燉蛋 單叫一款口味嘅size大少少，另外配多個雪糕球。另外，再叫左個檸檬白朱古力焦糖燉蛋......(無錯，又係焦糖燉蛋)白朱古力味好重，好彩有檸檬味中和番，如果鍾意食甜到漏嘅朋友應該okay~ 但我就食少少就夠啦~仲有好多其他款式嘅甜品，下次再黎會試下!