影片
更多
2017-03-19
2400 瀏覽
老婆個家姐一家人住晌碧濤花園，所以，馬鐵嘅石門站一年都有機會嚟一兩次，睇住佢對出嘅荒地變商場「京瑞」，是日同老婆嚟到沙田萬豪酒店嘅MoMo Cafe嘆個甜品自助餐，同樣喺由露天停車場變成酒店，感覺好似轉眼間嘅事。餐廳啱啱新推嘅自助餐名為「環球之旅甜品自助餐」，供應時間逢周六、日，3:30pm-5:00pm，成人每位$118 + 10%。但跟指引上載甜品自助餐相片到facebook或instagram，可享淨價每位$98，划算好多 。餐廳嘅環境非常舒適，地方故然閣落，採光十足，一室雅致嘅暖和木系，讓人感到寫意悠閒。中間更有一大區域梳化椅，甚有嘆下午茶嘅感覺，不過，食起嘢上嚟就有啲唔方便，所以，都喺揀番近窗口啲餐枱位，同樣寬敞舒適。因為喺「甜品」自助餐，所以，清一色以甜品為主，所有甜點都放晒晌中央甜品區，走一圈就一清二楚有啲咩款式，粗略所記，有近30款，款款都精緻的骰，後面仲有一組糖果櫃，共14款得意糖果。咁稱得「環球之旅」，就要包括多國嘅甜點，本土嘅就故然唔少得啦，仲有澳門、台灣、日本、馬來西亞、新加坡、泰國、英國、法國、德國、意大利、瑞士、美國……等多國款式。每款甜點都配上名牌，除知道
餐廳啱啱新推嘅自助餐名為「環球之旅甜品自助餐」，供應時間逢周六、日，3:30pm-5:00pm，成人每位$118 + 10%。但跟指引上載甜品自助餐相片到facebook或instagram，可享淨價每位$98，划算好多 。
餐廳嘅環境非常舒適，地方故然閣落，採光十足，一室雅致嘅暖和木系，讓人感到寫意悠閒。中間更有一大區域梳化椅，甚有嘆下午茶嘅感覺，不過，食起嘢上嚟就有啲唔方便，所以，都喺揀番近窗口啲餐枱位，同樣寬敞舒適。
因為喺「甜品」自助餐，所以，清一色以甜品為主，所有甜點都放晒晌中央甜品區，走一圈就一清二楚有啲咩款式，粗略所記，有近30款，款款都精緻的骰，後面仲有一組糖果櫃，共14款得意糖果。
咁稱得「環球之旅」，就要包括多國嘅甜點，本土嘅就故然唔少得啦，仲有澳門、台灣、日本、馬來西亞、新加坡、泰國、英國、法國、德國、意大利、瑞士、美國……等多國款式。每款甜點都配上名牌，除知道喺乜之外，仲印有相關國旗喺邊度嘅地方甜點。
生果碟小弟一向食自助餐第一輪例牌都會喺沙律或生果，志在先開開胃，之後再拼搏，不過，佢哋嘅甜品自助餐無提供沙律，就只好食多幾片生果，以及晌朱古力噴泉度整幾粒朱古力火龍果及菠蘿。
第一輪甜品碟因為目的都喺食甜品，所以都喺盡量樣樣都想試，故隨心拎，無話精選要揀邊款。第一轉揀咗椰撻、葡式蛋撻、麵包布甸、提子鬆餅、榴槤酥餅、焗蘋果卷。
依一轉以麵包布甸、提子鬆餅、焗蘋果卷幾款做得較好食。乾身挺實嘅提子鬆餅搽啲忌廉芝士，未必喺人人都喜歡嘅質感，但小弟就幾鍾意嘞。而焗蘋果卷做得頗出色，橫切面睇出蘋果喺切片做，一塊疊一塊，口感比切粒好，又加咗提子乾、肉桂粉，味道層次好，再者，個皮夠酥脆，當然，熱啲就最好啦！
椰撻充滿椰香，口感濕潤，算唔錯；葡式蛋撻雖然有熱燈照住，但保唔到咩溫，所以，欠熱度嘅葡撻感覺都喺差少少，還好蛋漿夠滑；榴槤酥餅外皮幾挺酥化，咬落榴槤味幾香，只喺榴槤果肉太少。
第二輪甜品碟食完第一轉抖抖回氣，而第二轉所揀嘅甜點有以下款式：班蘭戚風蛋糕、班蘭椰絲卷、薰衣草忌廉泡芙、意式奶凍、珍珠奶茶奶凍、朱古力冬甩、布朗尼、香橙蘆薈杯。
今轉嘅甜點款式都頗有特色，幾鍾意薰衣草忌廉泡芙、珍珠奶茶奶凍、朱古力冬甩、布朗尼依四款，超好食，尤其布朗尼，朱古力味濃郁，唔又唔止裡面有合桃，外面仲加有一大粒果仁，正呀！不過，部份食物可能因擺放耐，流量慢，變得唔太好食，如班蘭戚風蛋糕、班蘭椰絲及下一轉嘅和菓子，味道OK嘅，可惜外皮或外層有啲乾硬。意式奶凍同香橙蘆薈杯做得比較「實淨」，欠缺應有嘅質感。
第三輪甜品碟再後一輪甜品碟，所揀嘅幾款精緻甜點如下：和菓子、銅鑼燒、杞子桂花糕、椰汁西米糕、合桃酥、彩虹千層糕。
銅鑼燒因為喺現場即做，填滿清甜紅豆嘅銅鑼燒，掂喎，不過，最好揀佢即做好嘅嚟攞，咁餅皮先「新鮮」軟綿，有啲做好擺晌度，肯定無咁好啦；椰汁西米糕及合桃酥同樣做得幾好，前者好滑充滿椰香，後者鬆脆。但其餘幾款就不過不失，唔試都無損失。
即焗紫薯梳乎厘即近尾聲，九成幾飽就唔敢成碟成碟咗拎，打游擊逐款甜點試試。紫薯梳乎厘喺店家推介，唔單喺即點即焗夠熱辣，雖然無焗到彈高成倍，但不失鬆軟輕綿，而且，薯味足，真喺唔錯。
木桶豆腐花是日最後一道甜點，小弟無乜點食，老婆就讚佢幾嫩滑，有豆香。
熱咖啡、熱紅茶食甜點，無論如何都要襯番一杯咖啡，所以，小弟就要咗鮮奶咖啡，雖然喺機沖，還好咖啡夠醇香，只喺無撞奶泡所誘發出順滑均勻嘅感；老婆就要杯紅茶，有消滯安神之效。
雖然餐廳嘅環境非常舒服，晌星期六、日嚟迤吓，不知幾爽，但「甜品」自助餐在香港人而言，都喺較小眾嘅興趣，所以，能長期吸客都好有限。然而，提供一啲沙律、鹹點、酥餅、麵包、三文治……等等鹹食，變為「下午茶」自助餐相信有更多人有興趣，選擇亦無咁單一。
張貼
