蜜密 (已結業)

地方雖小, 隱藏蜜密.  原來是中西甜點任君選擇.外面吹著强風, 頭都吹到暈暈地, 來一碗蕃薯糖水暖暖胃, 薑味好重好香, 蕃薯是黄色那種, 食落清甜, 甜度剛好.食完中式來一個西式, 名字趣緻 "星星月亮太陽", 到底是什麼呢?  原來是三款精美甜品, 有楊枝金露, 芒果拿破崙和意大利芒果雪糕.星星是楊枝金露, 伴碟一粒–粒星星型的果凍, 好可愛.  楊枝金露比較稠身, 不是坊間的稀; 芒果味不會太濃而嗆走其他主角的味道, 柚子粒酸酸味味, 好開胃, 再加上咬落索索聲的叫"榴槤爽", 本人第一次食, 覺得好新奇, 好有口感. 雖然名字有榴槤兩字, 但一點榴槤味都沒有. 月亮是芒果拿破崙, 酥皮做得好鬆脆, 那custard cream打得好幼滑, 非常欣賞太陽是一球芒果味雪糕淋上芒果醬汁, 那球雪糕芒果味不出, 雖然淋上了芒果醬汁但達不到互相配合的效果, 如果用比較有品牌的雪糕可能效果會好些.