影片
更多
2021-12-19
3461 瀏覽
哈哈，今次生日老公特登攞左假陪我，簡單咁度過左一日。人大左，覺得唔需要好多物質既野，反而想好好享受同另一半既時光。為免佢破費，今年生日叫佢唔好揀一間太貴嘅餐廳，簡單咁兩個人食就足夠！最後佢揀咗呢一間係尖沙咀嘅餐廳，地點都方便，餐廳規模中小，燈光下其實都幾有浪漫既氣氛！好大既玻璃，如果坐近窗，都幾開揚！叫左五道菜套餐蟹肉三文魚沙律係咪好奇點解唔見蟹肉同三文魚呢？我開頭都有呢個好奇，望真啲就發現原來中間橙色半圓形我以為係蕃茄既，原來係煙三文魚。一切開，入面全是蟹肉！！！蟹肉和三文魚的份量很足夠，味道很夾，作為前菜，很喜歡這個驚喜上:黑松露蘑菇湯下: 蠔周打蟹肉湯黑松露蘑菇湯幾香黑松露味，好多蘑菇茸，好夠味蠔周打蟹肉湯相對冇咁濃味，但係有海鮮味，最緊要係有蟹肉起入面，成個湯都幾creamy 蟹肉冬陰功日本年糕平時我對年糕冇特別喜好，因為質感和味道不是太喜歡！但係這個年糕有驚喜，連我自己都想不到，我竟然成碟年糕食晒！！！首先，呢個年糕嘅質感唔會好硬身，真係做到咬落煙韌，而最令我加分的是冬陰功醬汁！呢個冬陰功汁係creamy，所以令到年糕痴滿汁，佢係冬陰功汁，所以有少少冬陰功的辣，好香同crea
最後佢揀咗呢一間係尖沙咀嘅餐廳，地點都方便，餐廳規模中小，燈光下其實都幾有浪漫既氣氛！好大既玻璃，如果坐近窗，都幾開揚！
叫左五道菜套餐
蟹肉三文魚沙律
係咪好奇點解唔見蟹肉同三文魚呢？
我開頭都有呢個好奇，望真啲就發現原來中間橙色半圓形我以為係蕃茄既，原來係煙三文魚。一切開，入面全是蟹肉！！！
蟹肉和三文魚的份量很足夠，味道很夾，作為前菜，很喜歡這個驚喜
上:黑松露蘑菇湯
下: 蠔周打蟹肉湯
黑松露蘑菇湯幾香黑松露味，好多蘑菇茸，好夠味
蠔周打蟹肉湯相對冇咁濃味，但係有海鮮味，最緊要係有蟹肉起入面，成個湯都幾creamy
蟹肉冬陰功日本年糕
平時我對年糕冇特別喜好，因為質感和味道不是太喜歡！
但係這個年糕有驚喜，連我自己都想不到，我竟然成碟年糕食晒！！！
首先，呢個年糕嘅質感唔會好硬身，真係做到咬落煙韌，而最令我加分的是冬陰功醬汁！
呢個冬陰功汁係creamy，所以令到年糕痴滿汁，佢係冬陰功汁，所以有少少冬陰功的辣，好香同creamy ，味道特別，加上蟹肉，令到口感再豐富啲。
慢燒美國牛肉眼(4 成熟)
老公係一名食肉獸，當然要叫返塊扒食下啦。
肉眼扒都幾大塊，燒得均勻。
一切落去，可能係因為慢燒，所以肉質非常淋，輕易就能切開，而肉眼扒嘅顏色嫩紅，但是沒有一點血水。牛肉嘅品質幾好，
食落口感夠嫩，而且牛味相當濃郁。
配菜方面有蕃薯蓉，因為蕃薯本身都甜，所以薯蓉食落甜甜的，好味，比較少餐廳用蕃薯蓉做配菜，所以佢既配菜我都幾有印象。
話明係食肉獸，只有牛扒又點會滿足到我老公啦，所以叫多個呠酒噲紐西蘭羊膝。
一開頭，有掙扎過要叫呢個定係羊鞍，不過羊膝真係好難起屋企整，所以就試下！
食完之後，我同老公都話好彩叫左呢個！！！
羊膝嘅size非常大，佔左成個碟，上碟嘅時候已經聞到好香嘅羊味。
羊膝成個焗，雖然大舊，但係啲肉唔”鞋”，反而好入味。啖啖肉，啱晒老公！
配菜因為吸晒啲汁，所以好好味，連平時我不會吃的西芹也吃了！
哈哈，第一次用這個身份過生日，這個tiramisu 是餐廳送的！！
這個是套餐的蛋糕
上: 米奇老鼠青檸汁加檸檬汁加可樂
下: 青檸梳打
叫左兩杯飲品，開頭見到米奇老鼠覺得好特別，其實係青檸汁加檸檬汁加可樂，咁樣加埋都幾特別
呢餐質素好好，反而有幾款菜式令我有驚喜！
而我生日既時候，餐廳有做promotion ，所以有折扣。不過呢個質素，我覺得就算無生日優惠都對得住個價錢，值得去試。
張貼
