NeNe Chicken (大埔超級城) (已結業)

秘風糖炸雞 [ 無骨雞件 ] $178無骨會比有骨貴10蚊，但無骨真係好方便，啖啖肉。 呢個口味講到明風糖，所以就真係好岩中意嗜甜口味既朋友，而且炸得剛到，外面脆，加上痴係面既炸蒜粒更加脆，入面仲保留到肉汁，雞肉醃得入味而且幾嫩滑。芝士牛肉卷伴粉絲 $68韓式粉絲幾爽口，調味剛好。牛肉卷入有醃黃色蘿蔔，中和左芝士既油膩仲令到所冇材料既味道融合到。但今次如果可以整得再實啲就好啦，分兩啖好易散。韓國正官庄紅蔘茶 $20有紅蔘味而且無甜，可以清一清口腔既各種味道。Cool peace yogurt drink $28太甜了。呢度好光猛，用餐座位闊落，食得好舒適。