Häagen-Dazs (已結業)

見有張優惠券，單球價錢，可換來雙球份量，所以便來幫襯。今日要了個雙球鮮果丹麥筒，原價要$56，用了張券後，變了單球價$39，以這個價錢，我覺得算是合理。雪糕揀了夏威夷果仁同朱古力碎兩款味道，生果同醬汁就選了香桃同朱古力醬，配料就揀了杏仁碎，整體味道ok,雪糕軟滑，朱古力味濃，加埋果仁嘅香脆，口感變得豐富。但美中不足，係個丹麥筒唔係新鮮整成，質感腍身唔香脆，有些少失望。希望此點能夠改善一吓，就好了。