Never Too Late Dining (已結業)

二月份係情人節嘅月份，食個情人節套餐，好浪漫喔💕！係眾多嘅選擇揀左連個名都有意思嘅NEVER TOO LATE DINING！佢個套餐勁豐富，由頭盤到甜品都好足料，比正常二人份量多，其實三個人食就啱啱好！頭盤有蕃茄湯配麵包湯杰濃味，再配法式嘅餐包，為套餐來個好開始！雜錦冷拼盤(煙三文魚、巴馬火腿、凍肉腸、蒜蓉包) - 啲凍肉正常味，最突出係個蒜蓉包，勁重蒜蓉味，好味喎！凱薩沙律 - 都ok，料足份量足！主菜1: 燒日本珍寶帆立貝蟹肉意大利飯兩大粒帆立貝加蕃茄汁嘅意大利飯，雖然唔太覺有蟹肉，但呢個熱辣辣，再配蕃茄汁唔覺膩，都唔錯喎！主菜2:烤安格斯西冷扒西冷扒7成熟啱我口味，肉味濃，再配個燒菠蘿，即刻清新不少！主角係甜蜜蜜嘅邪惡朱古力火鍋，係一個簡單版嘅朱古力火鍋，呢個係比較少見嘅跟餐甜品！雖然到尾已經好飽，但甜品胃啟動，再配少量生果開胃不少！食完勁飽，滿滿幸福喔！