Häagen-Dazs (已結業)

唔係好肚餓，又唔想食鹹野，拉男朋友陪我食雪糕算。我唔記得左個名，我點果個有２個雪糕球同拿破倫，而佢點果個就有３個雪糕球同朱古力棒。雪糕球我要左比行時朱古力同牛油拖肥，前者好食ｄ，朱古力味比一般既濃，內裡有碎朱古力，質地好滑，奶味重。後者就冇咁好，主要係過甜，自問自己都食到甜野，但都頂唔順，但係食落幾香。相反，拿破倫就唔得，層與層之間既吉士醬唔夠滑，個餅又唔脆。男朋友果個我試左咖啡同ｔｉｒａｍｉｓｕ。咖啡重奶味，幾香，呢個比其他幾個球溶得快，最快消滅左。ｔｉｒａｍｉｓｕ有蛋糕粒係裡面，咬落去硬硬地，口感豐富。