影片
更多
2016-06-23
1218 瀏覽
好耐都無同友人見面啦~ 兩個女仔就梗係要揀左舒舒服服o既地方傾計啦 仲要我地兩個都係甜魔一族! 上op見到呢間野有好多唔同款式o既甜品提供，就當然要黎試下佢環境尚算寬敞，枱與枱之間o既距離可以接受呢度只係小食同主菜menu，另外仲有一本大大o既甜品menu，頁數多到影唔到，可想而知甜品款式之多!記得要留意埋黑板上o既每日精選食品喔，d畫都畫得好靚，為餐廳點綴不少紅莓樂園 ($24)自己平時都飲開花茶同果茶，所以都要少許研究，呢個紅莓樂園係純天然莓乾，無加任何糖份，店家好細心驚你怕酸跟埋個蜜糖上，十分開胃士多啤梨乳酪飲 ($18)友人叫o既士多啤梨乳酪飲，佢話好濃士多啤梨味，$18大大杯，係街是但飲杯唔知好唔好味o既珍珠奶茶都可能唔只呢個價，好抵飲巴馬臣火腿凱撒沙律 ($82)都係貫徹本人每個晚餐都要食菜o既作風所以就叫左個沙律，俾左兩大塊巴馬臣火腿，age應該比較young，不過呢個價錢食到呢個質素絕對係對等的法式煙海鰻 ($88)見到個菜名幾特別所以就叫左黎試下，我仲以為會係一大條鰻魚咁上，估唔到佢個擺碟又present得幾好wor 海鰻唔係好食到個煙燻味，不過就勝左質感夠彈牙日式炸
環境尚算寬敞，枱與枱之間o既距離可以接受
呢度只係小食同主菜menu，另外仲有一本大大o既甜品menu，頁數多到影唔到，可想而知甜品款式之多!
記得要留意埋黑板上o既每日精選食品喔，d畫都畫得好靚，為餐廳點綴不少
紅莓樂園 ($24)自己平時都飲開花茶同果茶，所以都要少許研究，呢個紅莓樂園係純天然莓乾，無加任何糖份，店家好細心驚你怕酸跟埋個蜜糖上，十分開胃
士多啤梨乳酪飲 ($18)友人叫o既士多啤梨乳酪飲，佢話好濃士多啤梨味，$18大大杯，係街是但飲杯唔知好唔好味o既珍珠奶茶都可能唔只呢個價，好抵飲
巴馬臣火腿凱撒沙律 ($82)都係貫徹本人每個晚餐都要食菜o既作風所以就叫左個沙律，俾左兩大塊巴馬臣火腿，age應該比較young，不過呢個價錢食到呢個質素絕對係對等的
法式煙海鰻 ($88)見到個菜名幾特別所以就叫左黎試下，我仲以為會係一大條鰻魚咁上，估唔到佢個擺碟又present得幾好wor 海鰻唔係好食到個煙燻味，不過就勝左質感夠彈牙
日式炸雞塊(芝士醬) ($45)芝士醬份量足夠，雞塊個炸漿剛好，唔會好厚粉，如果三五知己黎到淨係想傾下計飲下野，呢個絕對係佐飲o既不二之選
紅蝦蕃茄青口燴意粉 ($158)見到呢個意粉係期間限定，咁難得就梗係要試下佢啦，紅蝦個質感比一般o既蝦更為彈牙，蝦頭有好多膏青口係已經起左肉燴落意粉度，唔知點解我食到個蕃茄汁有少少蝦膏味，唔通有加左蝦膏落去煮!?
到今日o既主角登場啦~~ 甜品時間 由於我地已經食左幾多野，所以唯有揀2款最特別o既分子甜品
紅白心太軟 ($78)雪糕加入-197C液化氮炒成粒粒雪糕，店員細心提醒要等一等先好食d粒粒雪糕，因為太心急食會凍到痴住係個口入面架 雖然望住佢好吸引好想食晒佢地落肚，但係我地都乖乖地等一等先，等o既期間無野做用匙羹翻一翻d粒粒雪糕，仲有好多煙飛出黎架
好啦~ 終於可以食佢地落肚啦~ 白色為雲尼拿雪糕，而紅色為野莓，兩款味道都係淡淡咁滲出黎，切開心太軟，估唔到攤左陣都仲有流心效果wor 朱古力味好濃，成個甜品係色香味俱全!
玻璃花瓣玫瑰mousse ($68)呢個再次係一個分子甜品，花瓣以-197C液化氮做成玻璃狀脆身，利用分子儀器 - 旋轉蒸餾儀攝取玫瑰精油做成啫喱、mousse同奶凍，面層大量泡泡為法式焦糖燉蛋
分子料理幾時都咁俾到人驚喜，第一啖食d泡泡即時係口中以不需1秒溶化但成個口又充滿好似棉花糖咁o既味道!
玫瑰，無論係本身一枝花，又或者玫瑰o既製品，o個種香味、顏色、美態，都教人不能抗拒特別係小妹
試完泡泡，再試下玫瑰啫喱奶凍，玫瑰味係十 分 濃 郁!!! 我忍唔住大叫好好味呀~~ 濃到我好似係玫瑰浴度游緊水咁
呢間餐廳除左甜品水準好高之外，其他食品亦無失場，另外我見到都有酒精類飲品提供，如果你想同朋友傾下計吸收下酒精，呢度都可以滿足到你今次大大本甜品menu度淨係叫左2款甜品，其實我每款都好想試好吸引，唯有下次黎甜品當正餐啦!
張貼
