影片
更多
2017-12-04
52 瀏覽
有一種朋友，明明已經成日見，但又會覺得好耐無見到佢，唯有明明唔餓都同佢出黎食個糖水，哈哈😆😆今日黎左荃灣搵佢，接佢收工，大家都唔太餓，食甜點傾下計就最好。焗密糖腸配蛋沙律，呢個腸仔超熱，外皮好脆！沙律入面有椰果🤤🤤同埋粟米一齊食好正，甜甜地！果然係甜品鋪食既沙律係同出面唔同，多種甜味😊😊我地叫左個帆立貝蜆肉意粉一齊食，個白汁係調得好好味，而且汁既份量岩岩好，唔會太多太少。用既帆立貝係細粒個種，但都無減我地食慾，因為份量都唔算少😆😆士多啤梨脆方磚，呢個真係無得頂！佢既面包係搽牛油再焗脆，加埋奶油同雪糕，又咸又甜令我地無法抗拒😹😹最後成個都落哂肚😋😋飲品方面因爲天氣凍，我地都叫熱飲，蜂蜜紅棗茶同熱朱古力🙂味道唔錯，但紙杯上有少少唔太環保，如果佢地轉返做可循環使用既杯就好啦！
今日黎左荃灣搵佢，接佢收工，大家都唔太餓，食甜點傾下計就最好。
焗密糖腸配蛋沙律，呢個腸仔超熱，外皮好脆！沙律入面有椰果🤤🤤同埋粟米一齊食好正，甜甜地！果然係甜品鋪食既沙律係同出面唔同，多種甜味😊😊
我地叫左個帆立貝蜆肉意粉一齊食，個白汁係調得好好味，而且汁既份量岩岩好，唔會太多太少。用既帆立貝係細粒個種，但都無減我地食慾，因為份量都唔算少😆😆
士多啤梨脆方磚，呢個真係無得頂！佢既面包係搽牛油再焗脆，加埋奶油同雪糕，又咸又甜令我地無法抗拒😹😹最後成個都落哂肚😋😋
飲品方面因爲天氣凍，我地都叫熱飲，蜂蜜紅棗茶同熱朱古力🙂味道唔錯，但紙杯上有少少唔太環保，如果佢地轉返做可循環使用既杯就好啦！
張貼
