樂糖 (已結業)

男朋友話好耐無見我，特登黎左我屋企樓下，我地就去左附近行下。見到有間甜品店裝修好靚，色彩繽紛，我地就入去食個甜品啦！甜品控見到好多甜品好開心，餐廳餐牌選擇好多，款款都好吸引，仲有啲好特別既口味。我叫左芒果椰皇，男朋友叫左心太軟。椰皇大大一個非常清甜滋潤，芒果鮮甜大大一件，中間椰香好清甜好香濃，好滿足。男朋友叫左特濃朱古力心太軟，朱古力味極是濃郁突出，入口甘香中間流心度非常出色，外層朱古力蛋糕焗得鬆軟，入口唔會乾身，旁邊配上雪糕一球，入口冰感高。原來屋企樓下有間咁出色甜品店，我會再來一試。