Pokka Cafe (青衣城1) (已結業)

同朋友想食西餐當然要去呢一間青衣城嘅polka cafe，佢裏面有啲dinner set，計起上嚟都幾抵。佢哋今日個餐湯係蟹柳薯蓉雜菌湯，好濃郁，飲下去好有感覺，蟹柳絲好多，雜菌打碎左，飲落去好似醬汁，好鮮！今日試咗呢度個本格日式番茄汁北海道魷魚軟殼蟹意粉餐，魷魚好大條，好多條觸鬚，咬落去好煙韌，軟殼蟹好大件，成個意粉都充滿蕃茄肉醬嘅味道，但係又唔會太鹹！另外叫埋甜品，試咗佢個Tiramisu多士伴雪糕，之前一直都好想試，佢嘅賣相真係超級吸引，啱晒港女打卡之用！甜絲絲的感覺真令人興奮。