影片
更多
2015-02-24
780 瀏覽
大家姐話元朗有間小炒好多o野食, 好抵食, 拍晒心口話佢食過幾次都無事… 我都真係半信半疑, 但係其他人無異議, 我唯有和議…來到門口, 爆多人, D枱擺晒出街都全院滿座, 訂咗冷氣廂房都要等, 座位仲椅貼椅, 接近坐唔入, 後面枱3位年輕女子不停報以仇視眼光, 我想講, 我地都係受害者, 唔該你仇就仇間餐廳… 個冷氣廂房接近完全無冷氣, 仲要不停滴倒汗水, 我估部冷氣唔支持得幾耐…10個餸, 加埋啤酒汽水白飯, 1行14人先至$1100, 真係堅抵…乳鴿脆就夠脆喇塊皮, 但肉比較少, 致命傷是好鹹, 可能係為咗迎合飲啤酒的客人的口味…薯仔牛柳粒好得, 甜甜酸酸的, 薯仔又夠粉, 好快比人搶晒…粟米斑塊又係小朋友之選, 熱辣辣到呢, 沒有半點腥味及多餘油份, 幾得喎…炒蜆我冒死試咗1粒, 味道中俗, 不至好味到我要冒死食多幾粒…薑蔥煀蠔好惹味, 都幾大隻, 仲食極都有, 要用筷子搜索清楚有無幸存者縮係薑蔥下面…炸豬手皮脆肉嫩, 絕對是驚喜之作, 啤酒肚的欣物…椒鹽鮮魷鮮度略遜, 惹味得來總像缺少了靈魂, 不知道問題出在那裡… 可能係個喼汁唔得…好耐無食過豉汁蒸鱔, 用大木桶上, 很有風
大家姐話元朗有間小炒好多o野食, 好抵食, 拍晒心口話佢食過幾次都無事… 我都真係半信半疑, 但係其他人無異議, 我唯有和議…來到門口, 爆多人, D枱擺晒出街都全院滿座, 訂咗冷氣廂房都要等, 座位仲椅貼椅, 接近坐唔入, 後面枱3位年輕女子不停報以仇視眼光, 我想講, 我地都係受害者, 唔該你仇就仇間餐廳… 個冷氣廂房接近完全無冷氣, 仲要不停滴倒汗水, 我估部冷氣唔支持得幾耐…
10個餸, 加埋啤酒汽水白飯, 1行14人先至$1100, 真係堅抵…
乳鴿脆就夠脆喇塊皮, 但肉比較少, 致命傷是好鹹, 可能係為咗迎合飲啤酒的客人的口味…
薯仔牛柳粒好得, 甜甜酸酸的, 薯仔又夠粉, 好快比人搶晒…
粟米斑塊又係小朋友之選, 熱辣辣到呢, 沒有半點腥味及多餘油份, 幾得喎…
炒蜆我冒死試咗1粒, 味道中俗, 不至好味到我要冒死食多幾粒…
薑蔥煀蠔好惹味, 都幾大隻, 仲食極都有, 要用筷子搜索清楚有無幸存者縮係薑蔥下面…
炸豬手皮脆肉嫩, 絕對是驚喜之作, 啤酒肚的欣物…
椒鹽鮮魷鮮度略遜, 惹味得來總像缺少了靈魂, 不知道問題出在那裡… 可能係個喼汁唔得…
好耐無食過豉汁蒸鱔, 用大木桶上, 很有風味, 豉汁香濃, 鱔肉滑溜, 我食咗接近3份1…
魚湯什菜同腐乳通菜都幾好味…
大家姐果然無介紹錯… 我就易嘔人, Honey就易痾人, 平時食o野要好小心好小心, 估唔到今次邊食邊冒汗又無出事喎… Honey不單止無批評仲大讚佢鑊氣夠, 呢樣先最始料不及…間餐廳都幾近龍媽, 之後同佢講起, 佢好有興趣, 可能見唔食太排檔嘅我食完都讚, 真係走咗去買外賣, 食完佢都話真係唔錯, 攪到另一個住屯門的C9朋友係FB見到都走來問詳情, 呢D咪viral marketing囉…
張貼
