朱敏記桑拿菜 (已結業)

今晚去左土瓜灣攞野， 攞完野後行下行下見到有間朱敏記桑拿菜， 餐廳位於土瓜灣馬頭圍道新華大廈地舖。 一個人晚餐， 叫左個朱敏記生態魚頭王慢慢嘆。 魚頭王送到上抬， 熱辣辣, 煙霧瀰漫。 生態魚頭王係順德名菜， 1開2的魚頭， 煎到金香， 再配上鮮味上湯， 新鮮香甜。生態魚頭王魚肉又嫩又滑， 唔好以為魚頭無肉食，呢個魚頭真係啖啖肉， 魚肉鮮甜 加上大量蔥粒， 將鮮味提昇不少。 另外一提， 魚頭王有酥餅做配菜， 點一點個魚頭湯， 真係別有一番風味。