Black Sugar Coffee

營業中

休息中

因為網圖睇到裝修幾靚，收藏咗好耐都未去過於是今朝同BF去食brunch。 中午12點半左右到，門口冇人排隊冇人等位，室內仲有幾張檯吉住未坐滿。我哋本來想坐門口嘅小圓檯，BF都坐咗落去了，店員突然話不如你哋去坐方檯。於是我哋又行去再入邊少少嘅方檯，BF又已經坐咗落去了，店員又突然指住最入邊嘅雙人小方檯，因為見到BF坐咗2張雙人小方檯拼埋一齊嘅檯，但我哋並冇用任何物品霸佔曬2張檯，都只喺坐咗其中一張。我已經開始燥火，明明冇幾多客人排隊等，鋪頭又未坐滿人，必須要咁樣毫無禮貌地push我哋一次又一次？？ 如果好多人等緊位鋪頭又好爆，我哋會理解同配合。但今日呢個Peak hour都唔滿人並且冇人排隊，咁搞法乜心情都冇曬！本嚟真係嬲緊差D鬧個店員，平時一向無敵好脾氣嘅BF都俾佢搞到一肚火彈起身衝出去走人，我哋就走咗。 毫無服務意識，裝修再靚出品再好，都唔會做得耐。如果生意每況愈下，確實要感謝呢D咁識趕客嘅店員！