影片
更多
2021-03-30
2791 瀏覽
生日中出潮州夜😙男朋友鍾意揀西式餐廳慶祝大時大節，我卻鍾意揀中菜或者亞洲菜慶祝。潮州菜算係佢小時候嘅回憶，特登搵左一間好多人大讚嘅潮州私房菜。餐廳全名為香港中華出入口商會會所潮家宴，簡稱中出會所😂去呢度食飯要預約，食飯前兩日餐廳會send個menu俾你睇睇先，有d繁複嘅嘢要預訂，簡單嘅就可以即場散叫。其中一樣出名而要預訂嘅係紅燒翅，但係基於愛護鯊魚嘅關係就無叫到。我地兩個人叫左六碟餸，碟碟都好好食，個姨姨開頭質疑我地食唔食得曬，到佢收碟嘅時候細細聲講左句，哇！乜真係食得曬😳梗係啦，我地特登唔食lunch去食㗎😂👉🏻鹹蛋王魚皮熱辣辣脆卜卜好乾身，唔會有太多鹹蛋黃搶左魚皮嘅味道，絕對會令你不能自拔地食曬成碟👉🏻滷水鵝拼盤非常入味，滷水嘅鹹香混和鵝脂，點少少蒜醋，好好食啊❤️墊底嘅豆腐係另一個重點，豆味濃，豆腐皮唔會滷到有苦味，大讚👍🏻👉🏻凍馬友呢個要預留嘅，記得whatsapp問定姨姨有咩魚，佢地仲可以揀凍龍蝦/凍蟹，不過我怕太毒都係食魚算喇。條馬友都幾大條，有我前臂咁長。蒸得啱啱好無過火，肉質幼滑，魚味香濃，油脂豐富，你見d黃油流曬出黎就知，點埋個普寧豆醬，正啊😋👉🏻胡椒豬肚湯呢個都係要預
男朋友鍾意揀西式餐廳慶祝大時大節，我卻鍾意揀中菜或者亞洲菜慶祝。潮州菜算係佢小時候嘅回憶，特登搵左一間好多人大讚嘅潮州私房菜。餐廳全名為香港中華出入口商會會所潮家宴，簡稱中出會所😂
去呢度食飯要預約，食飯前兩日餐廳會send個menu俾你睇睇先，有d繁複嘅嘢要預訂，簡單嘅就可以即場散叫。其中一樣出名而要預訂嘅係紅燒翅，但係基於愛護鯊魚嘅關係就無叫到。
我地兩個人叫左六碟餸，碟碟都好好食，個姨姨開頭質疑我地食唔食得曬，到佢收碟嘅時候細細聲講左句，哇！乜真係食得曬😳梗係啦，我地特登唔食lunch去食㗎😂
👉🏻鹹蛋王魚皮
熱辣辣脆卜卜好乾身，唔會有太多鹹蛋黃搶左魚皮嘅味道，絕對會令你不能自拔地食曬成碟
👉🏻滷水鵝拼盤
非常入味，滷水嘅鹹香混和鵝脂，點少少蒜醋，好好食啊❤️墊底嘅豆腐係另一個重點，豆味濃，豆腐皮唔會滷到有苦味，大讚👍🏻
👉🏻凍馬友
呢個要預留嘅，記得whatsapp問定姨姨有咩魚，佢地仲可以揀凍龍蝦/凍蟹，不過我怕太毒都係食魚算喇。條馬友都幾大條，有我前臂咁長。蒸得啱啱好無過火，肉質幼滑，魚味香濃，油脂豐富，你見d黃油流曬出黎就知，點埋個普寧豆醬，正啊😋
👉🏻胡椒豬肚湯
呢個都係要預留！食得出係新鮮豬肚煲嘅，完全無怪味好鮮甜！如果你鍾意胡椒味濃嘅，呢個湯一定唔會令你失望。男朋友唔受得飲到出曬汗，我就非常之欣賞😆
👉🏻鹹肉炒芥蘭
芥蘭條條無渣，無苦澀味，仲有淡淡薑味tim！
👉🏻糖醋麵
呢個不得了喇！賣飛佛😙佢地嘅火候控制得好出色，一邊煎得香脆，另一邊保持少少濕潤仲有韭黃香氣，趁熱淋上陳醋灑上砂糖，好味到要彈上天花板大叫好好味啊😍😍😍
呢間中出會所絕對可以encore，因為仲有好多嘢都想試啊！😝
張貼
