影片
更多
2008-11-19
6 瀏覽
10月25日, 晚上同呀菲細佬慶祝生日, 親戚一行九人去南翔食小籠包~ 因為冇得訂枱 (如果你係南翔會員就有得訂… =,=) 加上九個人, 眼看d 2人枱一張一張咁入, 等咗45分鐘先到我地… 已經覺得蠢咗, 南翔d枱多數2-4人, 我地要等5張連住既2人枱先坐得~ 建議多過4個人都唔好食呢間. 我地總共叫咗1個3人餐加1個4人餐, 十幾樣菜都已經夠食~::: 自選香茶 :::有多種茶選擇, $8一位, 我地九個人都叫咗唔同既味道, 我要咗貢品杭菊, 呀菲就要南翔茗茶, 味道都幾好, 最好就係唔係用茶包, 有種天然既味道~ ::: 松茸燉雞 :::我地冇飲, 親戚話唔係太好飲… 不過見材料十足, 又幾大碗, 都幾滯下...::: 蘿蔔絲酥餅 :::外皮十分脆, 加埋芝麻好香口, 裏面一條條蘿蔔絲, 熱辣辣作為前菜真係刺激味蕾~::: 黑芝麻腰果酥 :::呢個比蘿蔔絲酥餅更香口熱氣, 腰果味濃郁, 不過味道黎講蘿蔔絲酥餅好味d~::: 蟹黃灌湯蝦球 :::將蝦球炸到金黃色, 賣相相當吸引~ 好重蝦肉味, 不過食到裏面有d失望, 灌湯冇乜湯, 蟹黃亦一pat野冇味~ 只可算係普通炸蝦球…:
::: 自選香茶 :::
有多種茶選擇, $8一位, 我地九個人都叫咗唔同既味道, 我要咗貢品杭菊, 呀菲就要南翔茗茶, 味道都幾好, 最好就係唔係用茶包, 有種天然既味道~
::: 松茸燉雞 :::
我地冇飲, 親戚話唔係太好飲… 不過見材料十足, 又幾大碗, 都幾滯下...
::: 蘿蔔絲酥餅 :::
外皮十分脆, 加埋芝麻好香口, 裏面一條條蘿蔔絲, 熱辣辣作為前菜真係刺激味蕾~
::: 黑芝麻腰果酥 :::
呢個比蘿蔔絲酥餅更香口熱氣, 腰果味濃郁, 不過味道黎講蘿蔔絲酥餅好味d~
::: 蟹黃灌湯蝦球 :::
將蝦球炸到金黃色, 賣相相當吸引~ 好重蝦肉味, 不過食到裏面有d失望, 灌湯冇乜湯, 蟹黃亦一pat野冇味~ 只可算係普通炸蝦球…
::: 鎮江淆肉 :::
好特別, 睇名真係唔知點整法~ 原來好似德國咸豬手肉, 每粒切成bite size, 啫喱狀物質同肉地比例好好~ 凍食又咸咸地, 都幾開胃~
::: 糟雞 :::
即係醉雞既同類~ 真係好失望, 細碟之餘仲要有d係雞胸, 酒味亦入唔到雞肉內, 可以話係全晚最差一味…
::: 鮮肉小籠 :::
作為南翔主打, 果然冇失望~ 皮薄餡靚, 肉汁鮮甜, 一人一隻真係唔夠, 好彩快手執多一隻~ 雖然覺得鼎泰豐小籠包最正, 不過呢度都已經中上水準~
::: 蒜茸炒津白 :::
香蒜茸味, 但普通囉, 早知有沙鍋津白我地就唔叫炒津白啦…
::: 糖醋魚塊 :::
魚塊夠大, 但件數少得可憐, 味道係唔錯, 不過感覺好呃秤… 其餘既全部係雜豆加紅椒, 真係千祈唔好叫呢樣…
::: 賽螃蟹 :::
推介! 做得非常好, 尤其係個獻汁, 甜度鹹度適中, 令到個蛋白好好味, 如果撈飯一定一流~
::: 回鍋肉 :::
老老實實究竟呢碟叫回鍋菜好似啱d, 菜同肉比例有7:3… 味道係唔錯, 有少少辣, 不過又係呃秤之作…
::: 沙鍋津白 :::
幾大鍋, 九個人每人都分到一碗~ 有d雞肉同菇, 唔會好齋, 湯底有鮮甜雞味. 俾我地清晒~
::: 紅燒獅子頭 :::
醬汁味道似回鍋肉, 只不過係換咗3大舊碎豬肉球~ 食落好濃味, 偏鹹. 真係冇乜特別…
::: 紹菜肉絲炒年糕 :::
大堆頭, 年糕大塊厚切, 咬落煙韌, 十分入味. 紹菜同肉絲都好味, 不過年糕都係太滯, 不能食太多~
::: 京蔥牛柳絲炒粗麵 :::
炒粗麵一大團, 不過牛柳絲好似好難先搵到一條, 京蔥鋪晒面, 粗麵好夠味, 京蔥有咬口, 牛柳絲雖然少但頗鮮嫩~ 好味!
::: 桂花拉糕 :::
呢個有親戚話一定要叫~ 好似甜既年糕, 加埋有d桂花喺面, 我之前未食過都覺得ok, 唔錯唔錯~
::: 豆沙鍋餅 :::
上海傳統甜品, 都仲係未食到我地認為好好食既~ d皮有d厚, 而豆沙又好少…
真係可以話一口氣食晒南翔既食物咁滯~ 不過真係好食唔太多! 今次掃完南翔個menu, 睇怕有一排都唔洗再黎食…
張貼
