冰極餐廳

營業中

休息中

今日係隔離嗰位嘅生日，用生日免費優惠入海洋公園，入場時送咗優惠券，去企鵝餐廳有9折同送汽水一杯。入場之後我哋就即刻坐海洋列車上山，落車後好快就去到餐廳，但好多人等位，我哋拎咗飛，再睇埋企鵝行埋鋪頭，都仲等多10幾分鐘先入座。不過我哋真係好幸運，我哋張枱就響正玻璃窗隔離，企鵝就係我哋眼前游來游去。真係好正。食物都唔錯，叫咗一份雜扒同一個帶子意粉，雜扒味道正常既，意粉比想像中好食，粒帶子好大好鮮，意粉我哋叫咗一人份量，唔算好大碟，下次會醒目叫二人份量，因為真係幾好食。後尾發現可以預先用Apps攞飛，但要連接海洋公園Wi-Fi先可以拎到，有少少麻煩。下次生日再入公園，都會再去呢度食。