影片
更多
2024-07-23
2705 瀏覽
🍕🍩🍕生日免費pizza+ 冬甩最近呢間Pizza店做優惠，本身都冇聽過，但原來都有十幾間分店。係網頁登記咗做會員嘅話會有一張$50現金券，生日月份亦都會送一個Pizza，適逢今個月生日就梗係去試吓啦！✅THE PEPPERONI SUPREME - 原價$158送嘅呢個Pizza都好大個，係可以切開八件嘅，兩三個人都夠食，但係就唔可以揀雙拼。店員會核對身份證睇吓你係唔係今個月生日。薄餅個邊好軟熟，好似麵包咁，芝士同蕃茄醬都好夠味。而最緊要係辣肉腸嘅份量都唔少，而且係有兩款，另一款係意大利香腸，焗香左真係好惹味。✅開心果白朱古力爆漿冬甩-$38呢間店除咗Pizza係賣點之外，另外最出名嘅就係爆漿冬甩，有八款口味，而我就揀咗開心果白朱古力味。估唔到冬甩都有成個麵包咁大，亦都好似麵包咁軟熟，外層雖然有少少糖，但係其實唔算好甜，而個餡更加係爆曬出嚟，係流心嘅。有淡啖開心果嘅味道，都幾好食，值得一試。呢個冬甩用咗迎新嘅$50現金券買埋。成餐一蚊都唔使俾🤪
生日免費pizza+ 冬甩
最近呢間Pizza店做優惠，本身都冇聽過，但原來都有十幾間分店。係網頁登記咗做會員嘅話會有一張$50現金券，生日月份亦都會送一個Pizza，適逢今個月生日就梗係去試吓啦！
✅THE PEPPERONI SUPREME - 原價$158
送嘅呢個Pizza都好大個，係可以切開八件嘅，兩三個人都夠食，但係就唔可以揀雙拼。店員會核對身份證睇吓你係唔係今個月生日。薄餅個邊好軟熟，好似麵包咁，芝士同蕃茄醬都好夠味。而最緊要係辣肉腸嘅份量都唔少，而且係有兩款，另一款係意大利香腸，焗香左真係好惹味。
THE PEPPERONI SUPREME
261 瀏覽
1 讚好
0 留言
✅開心果白朱古力爆漿冬甩-$38
呢間店除咗Pizza係賣點之外，另外最出名嘅就係爆漿冬甩，有八款口味，而我就揀咗開心果白朱古力味。估唔到冬甩都有成個麵包咁大，亦都好似麵包咁軟熟，外層雖然有少少糖，但係其實唔算好甜，而個餡更加係爆曬出嚟，係流心嘅。有淡啖開心果嘅味道，都幾好食，值得一試。呢個冬甩用咗迎新嘅$50現金券買埋。成餐一蚊都唔使俾🤪
開心果白朱古力爆漿冬甩
$38
534 瀏覽
1 讚好
0 留言
張貼
