影片
更多
2013-11-15
14335 瀏覽
今日生日，朋友話呢到坐得舒服同D野好味道，所以BOOK左呢間打邊爐，由於朝早BOOK左位，以唔駛等位，去到可以即刻入去座，但係都因為BOOK左位，所以就算你一個人到左，佢都要你入去(就算唔入都會按你訂枱時間起計兩個半鐘)，所以下次預鬆少少時間好過無左D時間食野。因為時間早，我去到時都仲有好多吉位，但係見門外有堆人拎左飛等入，唔知係咪要夠鐘/齊人先入得呢？掙取時間，一坐低拿拿聲睇下叫咩湯底，有D湯底免費，有D要收錢，免費既又唔可以鴛鴦鍋，但又可以一個收費一個免費湯底叫鴛鴦，收錢嗰個湯底會收半價。叫左個蕃茄薯仔豬軟骨+胡椒豬肚湯底，收費湯底半價即係$34。等左陣個湯黎到，胡椒湯底個湯唔算好重味，有少少辣，出奇地D豬肚好入味喎！至於個蕃茄湯底，都好多料下。(P.S. 食到中途加湯，好奇佢會加普通湯定係加返蕃茄湯時，就見哥哥仔左手一壺右手又一壺湯出黎加水，一壺係胡椒湯咁既色，另一壺係蕃茄湯底既色，相信佢係按返個湯底去加返佢本來既湯，咁就唔會令到個湯越黎越淡味啦！)食物種類黎講，唔算得上係多，但係足夠，個人覺得夠食就好，太多種類反而會令食物質素下降，朋友超鐘意食雞子，所以叫左幾次，不過老實講，出
因為時間早，我去到時都仲有好多吉位，但係見門外有堆人拎左飛等入，唔知係咪要夠鐘/齊人先入得呢？
掙取時間，一坐低拿拿聲睇下叫咩湯底，有D湯底免費，有D要收錢，免費既又唔可以鴛鴦鍋，但又可以一個收費一個免費湯底叫鴛鴦，收錢嗰個湯底會收半價。叫左個蕃茄薯仔豬軟骨+胡椒豬肚湯底，收費湯底半價即係$34。等左陣個湯黎到，胡椒湯底個湯唔算好重味，有少少辣，出奇地D豬肚好入味喎！至於個蕃茄湯底，都好多料下。(P.S. 食到中途加湯，好奇佢會加普通湯定係加返蕃茄湯時，就見哥哥仔左手一壺右手又一壺湯出黎加水，一壺係胡椒湯咁既色，另一壺係蕃茄湯底既色，相信佢係按返個湯底去加返佢本來既湯，咁就唔會令到個湯越黎越淡味啦！)
食物種類黎講，唔算得上係多，但係足夠，個人覺得夠食就好，太多種類反而會令食物質素下降，朋友超鐘意食雞子，所以叫左幾次，不過老實講，出面可以任食雞子既地方唔多，所以佢真係好興奮。而且D雞子出黎個樣都唔錯(唔似雪到冰晒嗰D)另外仲有灸燒芝心丸，鐘意食芝士/芝心野既朋友呢個不錯，個丸表面嗰層好爽，但係入面D芝心好滑，真係流出黎咁，我喺出面未食過咁既口感既丸！
稻庭烏冬都係不錯既選擇，送黎時佢依然係急凍左既樣，食嗰時D烏冬好滑，正！
其實我地仲叫左好多款野食，不過其他既無乜特別好食同唔好食，所以唔寫啦！總括黎講，呢間野值得去食，平時如果自己買料返屋企都要咁上下價錢，呢間真係算抵食。**每次黎既食物係按人數送黎，所以份量都唔多，丸可能係每次一人一粒，不過量少D就可以試多D唔同既食物，而且佢地送食物黎既速度都算好快，唔駛擔心會有唔夠食既情況出現。不過肥牛可能要點得密D, 因為真係好少
題外話/補充資料：
不過，發現有好多時都有唔係我地叫既食物送左黎我地張枱，而且佢放低食物既時候係唔會講野，放低就走左，有時隔左一段時間我地至發現原來茶几仔上既野唔係我地叫，但係任食而我地又岩食就照食。不過被送錯食物既枱唔知點呢？
(以上食評乃用戶個人意見 , 並不代表OpenRice之觀點。)
張貼
