影片
更多
2019-03-13
1389 瀏覽
Happy birthday to my colleagues🎂同事生日，又係有藉口食好啲嘅時間喇!! 今次同事揀咗喺九龍灣嘅呢間餐廳，其實佢前身係一間泰式半自助餐，試過都唔錯架，不過佢轉手之後就未嚟過食喇，今次就嚟會一會佢啦!!😛呢間餐廳嘅Menu都唔平，平均百幾蚊一個set，仲要冇餐湯或者沙律，要加$18先有架。不過餐湯同沙律都其次，最緊要主菜夠好食。今次我哋一行幾人分別叫咗餐廳主打嘅龍蝦包、忌廉雞肉長通粉、素菜pizza，四式芝士pizza同埋牛肉漢堡。龍蝦包因為係主打，所以質素唔錯，個樣同一般坊間嘅龍蝦包無異，麵包採用左烘過嘅厚方包🍞，中間夾左好多龍蝦肉，個汁甜甜地，食落味道都唔錯。佢配嘅薯條係我鍾意嘅粗身薯條，食落有薯仔味，最初以為食一個包加薯條唔夠飽，點知食落其實都好夠喎😋忌廉雞肉長通粉雖然係普通菜式，但係要煮得好食又唔膩都唔容易。佢呢一款長通粉係屬於多汁嘅類型，真係食每一啖都咁多汁，相信多汁怪一定好喜歡。不過我個人比較鍾意偏乾身嘅意粉菜式，呢一款就唔係咁特別吸引我啦。當然都要讚佢芝士落得重手，雞又唔會好鞋，食落都幾香嘅😊有驚喜嘅估唔到係素菜pizza，一上枱已經覺得個樣都
同事生日，又係有藉口食好啲嘅時間喇!! 今次同事揀咗喺九龍灣嘅呢間餐廳，其實佢前身係一間泰式半自助餐，試過都唔錯架，不過佢轉手之後就未嚟過食喇，今次就嚟會一會佢啦!!😛
呢間餐廳嘅Menu都唔平，平均百幾蚊一個set，仲要冇餐湯或者沙律，要加$18先有架。不過餐湯同沙律都其次，最緊要主菜夠好食。
今次我哋一行幾人分別叫咗餐廳主打嘅龍蝦包、忌廉雞肉長通粉、素菜pizza，四式芝士pizza同埋牛肉漢堡。
龍蝦包因為係主打，所以質素唔錯，個樣同一般坊間嘅龍蝦包無異，麵包採用左烘過嘅厚方包🍞，中間夾左好多龍蝦肉，個汁甜甜地，食落味道都唔錯。佢配嘅薯條係我鍾意嘅粗身薯條，食落有薯仔味，最初以為食一個包加薯條唔夠飽，點知食落其實都好夠喎😋
忌廉雞肉長通粉雖然係普通菜式，但係要煮得好食又唔膩都唔容易。佢呢一款長通粉係屬於多汁嘅類型，真係食每一啖都咁多汁，相信多汁怪一定好喜歡。不過我個人比較鍾意偏乾身嘅意粉菜式，呢一款就唔係咁特別吸引我啦。當然都要讚佢芝士落得重手，雞又唔會好鞋，食落都幾香嘅😊
有驚喜嘅估唔到係素菜pizza，一上枱已經覺得個樣都幾靚仔，用木板上分開6分Pizza。Pizza係薄底脆口Pizza，配以三色燈籠椒、番茄🍅、菇類同芝士，再配埋番茄醬，呢個組合令你完全唔覺得自己食緊齋，食完仲覺得好滿足添!!
四色芝士pizza一樣都係薄身脆口餅底，雖然我食唔出嗰四款芝士到底係乜嘢芝士，但係你都覺得成件事好配合，係好味嘅!! 都算打破咗我一貫對食齋Pizza嘅偏見🍕
最後另一個同事叫嘅牛肉漢堡相對就冇咁特別喇，不過都睇得出佢塊漢堡夠厚又有肉汁，都好吸引㗎。同事話有肉汁嘅漢堡再加生菜蕃茄食落都好fresh。
最後想講下間餐廳嘅裝修，我個人幾鍾意佢果幅藍色牆同佢嘅波波燈，加上當日有啲陽光，餐廳好光猛，令人覺得好舒服。好嘅環境配不錯嘅食物質素，我諗都仲有機會會返兜，不過如果價錢平翻啲就更好啦，而家九龍灣想平平哋食個lunch都唔係咁易呀😅
張貼
