Cova Ristorante & Caffe (太古廣場) (已結業)

前一晚本來想用佢個app 做online booking ，但full咗。第二日等到佢開門即刻打電話問有冇得book 當日午餐，聽電話個位小姐好有禮貌話當天booking full 咗，只係得返bar 枱，問我坐bar 枱得唔得。12:30到達餐廳，好快就搵到我個booking，咁岩好彩有張table 有位，咁職員就立即安排轉位。金鐘呢間Cova嘅午餐時段都算多人，我哋坐近門口位置，有很多人買飲品外賣。而入面已經full 晒。我哋一人揀咗一個$298，一個揀咗$368嘅lunch set 麵包同頭盤上得幾快。反而主菜等咗一陣，可能太多出唔切。我叫咗個risotto,，隻虎蝦比想像中大，好食朋友叫咗豬鞍架。冇諗過係咁大塊，差啲食唔晒。唯一要批評嘅係個whole grain mustard 鹹咗啲啲。最後太飽冇加蛋糕。只叫咗2杯mocha 。之前做咗會員有張優惠卷用可以用，所以今餐算抵食。