10
6
3
等級4
636
0
話說朋友生日,本身夜晚已經約咗佢食大餐,怕買一整個生日蛋糕會食唔落🧐諗黎諗去,最後就買咗幾個唔同味道嘅撻,雖然最後佢都要打包一個走,但係我哋一致都認為買撻當做生日蛋糕都係一個唔錯嘅選擇!講返正題,因為我哋今次係去太古城嗰邊食晚餐,所以我就去咗呢一間舖頭度買撻啦。佢嘅撻有好多唔同嘅味道,今次我就揀咗3個唔同既撻,特別要推介野莓芝士撻同朱古力香蕉撻,佢嘅水果好足料,士多啤梨同香蕉都好甜,而且佢底層嘅cream cheese同朱古力都係濃味好食嘅,而另外嗰個撻因為食唔落,朋友拎走左,所以就唔知味道點啦。不過我覺得呢間舖頭嘅甜品賣相同味道都唔錯,值得推介👍🏻
更多
話說朋友生日,本身夜晚已經約咗佢食大餐,怕買一整個生日蛋糕會食唔落🧐諗黎諗去,最後就買咗幾個唔同味道嘅撻,雖然最後佢都要打包一個走,但係我哋一致都認為買撻當做生日蛋糕都係一個唔錯嘅選擇!



講返正題,因為我哋今次係去太古城嗰邊食晚餐,所以我就去咗呢一間舖頭度買撻啦。佢嘅撻有好多唔同嘅味道,今次我就揀咗3個唔同既撻,特別要推介野莓芝士撻同朱古力香蕉撻,佢嘅水果好足料,士多啤梨同香蕉都好甜,而且佢底層嘅cream cheese同朱古力都係濃味好食嘅,而另外嗰個撻因為食唔落,朋友拎走左,所以就唔知味道點啦。



不過我覺得呢間舖頭嘅甜品賣相同味道都唔錯,值得推介👍🏻


115 瀏覽
1 讚好
0 留言


(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食