台灣麵 (已結業)

肥髀生日，疫情下晚餐在家攪，做好媽媽要出太子取蛋糕+買外賣，取咗蛋糕去到呢間地庫台灣菜餐廳（因為近西餅店）去到在商場電梯旁，去到餐廳唔繁忙，我落單時要求店員幫手幫我盡量將外賣包成兩袋，因為一個人連蛋榚先至攞到，個男經理好好幫我盡執！搭一程車回家，食物包得札實企理無變樣及倒瀉！發泡膠碗回家是微暖的！大家都肚餓無轉碗叮熱即食原味牛肉粗麵（$61）牛腩、牛筋，牛腩炆得入味纖維很粗（比三寶麵嘅更粗嚡）會痴牙，牛筋炆得透入味，稔口有漿口嘅感覺，好味，粗麵浸一程車都唔會淋晒，彈牙有咬口！湯底很濃微辣，牛腩令我失望台灣三寶粗麵（$65）牛腩、牛筋、牛肚，牛腩炆得入味纖維有點粗，會痴牙，牛筋炆得透入味，稔口有漿口嘅感覺，好味，牛肚是金錢肚，炆得入味，彈牙唔韌好味，粗麵浸一程車都唔會淋晒，彈牙有咬口！湯底很濃微辣，好味清湯牛筋牛肉粗麵（$61）細路食黑橋香腸（$51）肥髀最愛，無再加熱，鹹香油脂感夠！加蒜片食風味十足涼拌雞絲粉皮（$33）太多麻醬，粉皮不算爽口，有點粉！一般鹽酥雞（$42）可能在飯盒焗過水氣，無咁鬆脆，雞肉略實，ok珍珠奶茶（跟麵餐$4）肥髀飲百香果綠茶（跟麵餐$4）叫了少甜，百香果味唔