Awfully Chocolate (已結業)

又再次幫趁awfully chocolate，今次買cake美名為同事慶祝生日，實則是上次嚐過美味純朱古力味後，大家想試埋Chocolate Banana同Chocolate cherry & rum蛋糕，所以一人生日，豪吃兩個生日蛋糕。早在兩天前訂定一個八吋香蕉味及一個六吋車厘冧酒味，依家請店員替其中一個蛋糕寫下壽星女大名，拎蛋糕時，亦都手字！香蕉味蛋糕一打開已嗅到濃濃蕉味，切開後，很分明地一層朱古力蛋糕一層香蕉，香蕉及朱古力味道平分春色。而我亦覺得香蕉味更勝過純朱古力味呢！Cherry & Rum 肯定不是我杯茶，自己不太愛有酒味的食品，所以覺得麻麻地，但亦有同事覺得很不錯，而我很「幸運」地分得一件有車厘的cake，而車厘可能浸過Rum酒，食到我……..「乸」埋口面！總括大家的食後感，香蕉味小勝車厘冧酒。