鼎泰豐 (已結業)

講起黎真搞笑， 20幾歲人先第一次食鼎泰豐，仲要係喺媽媽嘅生日上邊食。聽人講鼎泰豐等位要等好耐，所以特登嚟咗美麗華呢間新開嘅度食，結果不失所望，等左15分鐘左右就已經即刻有位，短嘅等候時間令到食客嘅心情都更加愉快。餐廳入邊裝潢係簡單嘅中式格局，雖然枱同枱之間放到密密麻麻都婆為逼夾，但勝在樓底夠高，空間感亦都唔錯，裝潢順眼令食客心情上升一級。食物質素亦都不錯，上海菜都係以小菜形式上，每個份量唔多，三個人都可以食得落五六味菜。不過唔知係咪人多得滯食物水準下降，小籠包紅油抄手等等嘅招牌並唔係令人10分驚艷，小籠包包皮薄但餡料欠缺肉味，紅油抄手初試第一口很惹味，但XO醬可能味精太濃，再食第二口反而似公仔麵味精，花雕雞用的酒苦澀味太重，並非人人能接受。以上都只是些小問題啊，其實涼拌海蜇羅白絲味道令人驚喜，調味好之餘口感亦10分爽口，令人欲罷不能。雖然小貴，但性價比亦唔算差，相信會一試再試。