影片
更多
2016-08-24
1108 瀏覽
朋友生日，一年得一次，生日飯當然要食豪ＤＤ～選擇左食韓國野，懷緬一下之前一齊去嘅韓國遊～諗番旅程中發生嘅搞笑事仍然笑到收唔倒聲～放工之後準時７點鐘入到餐廳坐低～環境都幾舒服，但唔知係咪因為一入門口就有檯日本客，令我一度懷疑間餐廳係咪其實係食日本野嘅～不過之後聽倒韓文歌，電視播住韓國ＭＶ，Ｄ歌仲要幾新添，即刻覺得我地好似已經去左韓國甘～呢度地方都幾大，位同位之間都算闊絡，唔會坐到好逼～被安排到坐好似日式tatami之類嘅位～要除鞋有Ｄ麻煩，不過前後都有屏風，私人度會高Ｄ～坐低傾一陣計開始研究個menu，真係好多好多野食，大部份韓國菜色都有～傳統Ｄ嘅菜色會比較多Ｄ，例如生牛肉，炒年糕，燒牛肉，部隊鍋，炸雞，豬腳，炸醬麵……真係多到數唔曬～另外仲有Ｄ新式Ｄ嘅菜色，例如芝士豬肋骨～Manu上面所有野都圖文並茂，好清楚～不過Ｄ相全部都好吸引，有選擇困難症嘅我地真係好痛苦～哈哈～最後終於簡好左，點完菜之後傾左一陣計，侍應就拎左前菜黎啦～前菜係送的，味道都唔錯，不過我唔食辣，所以集中食甜甜地嘅魚仔同果碟豆，其他冇試～傾多陣飲品就出場啦～叫左３款冇酒精嘅麗塔，我簡左青檸＆紅莓麗塔，飲落味道偏甜，ｆｄ覺
選擇左食韓國野，懷緬一下之前一齊去嘅韓國遊～
諗番旅程中發生嘅搞笑事仍然笑到收唔倒聲～
放工之後準時７點鐘入到餐廳坐低～
環境都幾舒服，
但唔知係咪因為一入門口就有檯日本客，
令我一度懷疑間餐廳係咪其實係食日本野嘅～
不過之後聽倒韓文歌，電視播住韓國ＭＶ，Ｄ歌仲要幾新添，
即刻覺得我地好似已經去左韓國甘～
呢度地方都幾大，位同位之間都算闊絡，唔會坐到好逼～
被安排到坐好似日式tatami之類嘅位～
要除鞋有Ｄ麻煩，不過前後都有屏風，私人度會高Ｄ～
坐低傾一陣計開始研究個menu，
真係好多好多野食，大部份韓國菜色都有～
傳統Ｄ嘅菜色會比較多Ｄ，
例如生牛肉，炒年糕，燒牛肉，部隊鍋，炸雞，豬腳，炸醬麵……
真係多到數唔曬～
另外仲有Ｄ新式Ｄ嘅菜色，例如芝士豬肋骨～
Manu上面所有野都圖文並茂，好清楚～
不過Ｄ相全部都好吸引，有選擇困難症嘅我地真係好痛苦～
哈哈～
最後終於簡好左，
點完菜之後傾左一陣計，侍應就拎左前菜黎啦～
前菜係送的，味道都唔錯，
不過我唔食辣，所以集中食甜甜地嘅魚仔同果碟豆，其他冇試～
傾多陣飲品就出場啦～叫左３款冇酒精嘅麗塔，
我簡左青檸＆紅莓麗塔，飲落味道偏甜，
ｆｄ覺得麻麻，不過我覺得ＯＫ～
佢地嘅柚子檸檬同西柚石榴麗塔我都試飲左ＤＤ，都ＯＫ～
柚子檸檬比較酸～
上嘅第一道菜係野菜牛肉卷，牛肉食半生熟嘅，
可以用黎卷住Ｄ青椒紅椒洋蔥蒜頭一齊食，
或者就甘食片牛肉都得～
再點埋個醬或者豉油加wasabi一齊食～
個醬汁fd話有D辣所以我點豉油加wasabi，
食落都唔錯，
片牛肉厚度適中，
因為係半生熟所以一Ｄ都唔會韌～
同埋Ｄ蔬菜一齊食豐富左個口感～
不過我個人中意就甘食片牛肉加豉油同wasabi多Ｄ～
雖然牛味唔係好重，不過食落似魚生，
我都覺得幾好食～
之後黎嘅係芝士雞蛋卷～蛋味唔算好香，但係勁多芝士～
呢個真係要襯熱食～
我地掛住食個野菜牛肉卷，
食雞蛋卷果時已經有少少凍左，
芝士已經開始變硬，影響左個味道～
襯熱食應該會正好多～
烤什錦牛肉～會烤好曬先連燒熱左嘅鐵板一齊上檯～
上檯果時仲熱辣辣，好吸引～
有幾種唔同嘅牛嘅部位，不過我都唔係好識分～
份量都幾多～全部都烤得幾入味～
用生菜包住Ｄ肉再加Ｄ醬汁同配料一齊食，
係傳統韓國食燒肉嘅食法～
用生菜包住食感覺上會冇甘油～
不過對於作為食肉獸嘅我，
生菜都係唔需要啦～
今日嘅重頭戲係呢隻船～炸八爪魚雞～
隻八爪魚好似原隻上甘～
大過我隻拳頭～
影完相可以要求店員幫手剪開Ｄ爪再食～
炸粉我覺得唔算厚～可以接受～
都炸得幾鬆脆，裡面嘅八爪魚肉唔會軔，唔錯～
不過呢個都係要襯熱食～
果度Ｄ冷氣好勁，好快Ｄ八爪魚就開始凍，
凍左就冇甘脆，冇甘好食啦～
水冷麵係其中一款我中意嘅韓國麵食～我中意韓國Ｄ麵煙軔嘅口感～
冷麵上面鋪左Ｄ青瓜絲，雪梨同半隻蛋～
切到好簿嘅雪梨同煙軔嘅冷麵一齊放入口，
感覺好清新～
食肉食到漏漏地嘅時候食番口冷麵中和下，
爽曬～
嗌左勁多野～不過一邊食一邊傾，唔覺唔覺居然食得曬～
真係好勁～
不過我諗都要Ｄ野食都好食我地先會覺得飽都繼續食嘅～
下次再豪食又要等ｆｄ生日先有機會啦～
張貼
