新南苑私房菜火鍋鷄煲 (華僑商業中心) (已搬遷) 新店位置

今日媽媽生日話想食雞煲，於是就選擇去位於旺角嘅新南苑私房菜雞煲小廚，原因係地點方便之餘(旺角地鐵站D1出口行1 分鐘就到)，食物嘅質素亦唔差。而呢度係以半放題形式嘅，會先食雞煲然後再打邊爐(呢度嘅一大特色係唔會用返食雞煲嘅煲去打邊爐，而無限食嘅雞煲亦都可以每次食都要求唔同嘅辣度)。雞煲嘅雞每件都好入味，而且雞肉非常嫰滑。海鮮拼盤每人都有半隻龍蝦，蟶子帶子花甲脆肉鯇各一。牛頸脊油脂分布平均，牛”騷”味十足。當造嘅蔬菜任拎，每一塊都洗得非常乾淨。