Lady Nara

營業中

休息中

今年生日想輕輕鬆鬆咁過，瞓到自然醒，再嚟嘆返個靚靚下午茶。餐廳裝修高雅，都有好多打卡位。 坐喺窗邊，仲可以望到海景，好舒心。唔駛揀，我係為咗呢個Tea Set嚟【原味滋泰下午茶】！$458一個二人tea set有美點，有飲品，仲有兩套RMK精選皇牌體驗套裝，抵！ 同朋友一人有一套，好開心，一齊可以扮靚靚。 拎住張邀咭，仲可以試埋「個人化眼妝服務」添！餐飲品選擇好多，咖啡或茶都有16個選擇！ 我就飲Mocha，咖啡味同朱古力味都濃郁，有心形拉花。 朋友揀咗蝶豆花茶，一大壺上，無糖，蝶豆花明目護眼又有益，加咗青檸汁之後由深藍色變咗紫色，再加多片薄荷葉，味道清新。美點有兩盤，有咸有甜，講真味道都幾好食，唔係得個樣架。 紅唇牛奶朱古力同唇膏牛油曲奇係絕配，放埋一齊影好鬼正！ 胭脂霜牛油曲奇印埋品牌個名，像真度好高吓。泰國青檸芝士撻好似有啲香茅味，感覺好有泰國風情。 羊奶芝士吐司伴草莓果醬啱晒鍾意食羊嘅朋友，好重羊羶味，我唔食羊，交晒俾朋友，佢好鍾意！我最鍾意係茉莉花焦糖布丁，入口好有茉莉花香味，又唔太甜，放喺玻璃杯仔夠別緻。