影片
更多
2023-10-15
1888 瀏覽
是日一行4人嚟到銅鑼灣搵食，一早經openrice book位，去到唔洗等即有位入，因為今次目的要幫其中一位朋友慶祝生日，預先打電話去餐廳問關於生日嘅安排，店員超好俾咗啲選擇我哋，雖然冇得寫壽星果名落甜品到，但可以揀普通生日牌加10蚊或者LED生日牌加15蚊，咁差5蚊當然揀左LED生日牌啦，再嚟店員問加唔加多20蚊要埋果煙花蠟燭，諗諗吓都係35蚊姐，所以索性全部要哂🤣 基於先果35蚊，真心本身嗰期望值都幾低吓😂 店員安排左我哋去窗口位，睇到夜景。佢整體好和風，果menu都好有質感，幾靚。睇完一輪menu，最終揀咗主食咖哩牛肋肉蛋包飯、小食炸七味雞軟骨、甜品就兩個一個士多啤梨刨冰同埋極·盛夏布甸船，飲品就係果味梳打。我要咗蘋果梳打，但實在太普通，冇咩好講。小食方面，果炸七味雞軟骨，炸得好好，夠哂脆，七味粉剛好，唔咸。主食咖哩牛肋肉蛋白飯，一開始係未切蛋嘅，店員會等你影完相先切，同出邊蛋白飯一樣，都係流心蛋，蛋好creamy，入邊嘅飯炒過好惹味，咖哩牛肋肉，燉得好冧，基本上唔洗咬，非常滿意。份量都幾大，唔大食可以考慮兩個女仔share。朋友嘅主食喫茶全日早餐，係和式All day brea
佢整體好和風，果menu都好有質感，幾靚。
睇完一輪menu，最終揀咗主食咖哩牛肋肉蛋包飯、小食炸七味雞軟骨、甜品就兩個一個士多啤梨刨冰同埋極·盛夏布甸船，飲品就係果味梳打。
我要咗蘋果梳打，但實在太普通，冇咩好講。
炸七味雞軟骨
$69
22 瀏覽
0 讚好
0 留言
小食方面，果炸七味雞軟骨，炸得好好，夠哂脆，七味粉剛好，唔咸。
咖哩牛肋肉蛋包飯
$115
28 瀏覽
0 讚好
0 留言
主食咖哩牛肋肉蛋白飯，一開始係未切蛋嘅，店員會等你影完相先切，同出邊蛋白飯一樣，都係流心蛋，蛋好creamy，入邊嘅飯炒過好惹味，咖哩牛肋肉，燉得好冧，基本上唔洗咬，非常滿意。份量都幾大，唔大食可以考慮兩個女仔share。
喫茶全日早餐
$122
29 瀏覽
0 讚好
0 留言
朋友嘅主食喫茶全日早餐，係和式All day breakfast。蛋就係蛋包飯上面嘅蛋，份量都幾大，朋友話味道不錯。
士多啤梨刨冰
$62
25 瀏覽
1 讚好
0 留言
甜品方面先講士多啤梨刨冰，其實果刨冰係冇問題嘅，問題出係啲士多啤梨到，好酸，所以真係好難好好食。
極·盛夏布甸船
$118
18 瀏覽
0 讚好
0 留言
極·盛夏布甸船
$118
36 瀏覽
0 讚好
0 留言
去到是晚重點嘅生日甜品，揀咗極·盛夏布甸船，一嚟就真心驚艷咗，果35蚊加得抵啦！果LED生日牌本身已經好搶戲，再嚟店員幫忙點着果煙花蠟燭真心好大驚喜，連隔離枱都擰轉頭望，如果想帶俾壽司一個難忘嘅生日，可以考慮吓帶佢嚟呢度，當然唔尷尬就好。咁果甜品本身係好食嘅，上層焦糖布甸唔太甜，焦糖好香，下層果Lotus餅布甸好驚喜，因為我本身幾中意Lotus餅果味，唔太甜又層次好豐富。
整體嚟講，非常滿意，食物質素好，店員服務好，生日安排好，下次再有朋友生日都會想嚟呢度。
張貼
