大滿喜日本料理 (已結業)

一行11人去到呢間放題，感覺得間間放題都好似分別不大咁。其中一位朋友食過呢間，聽佢話呢間食物同服務質數都唔錯，價錢合理。所以就決定試下。因為訂左枱，一去到就唔洗等，直接入座。當時正正係星期五8點，門口亦有一班人等位中。一落枱，有朋友負責落單，另一D就出去自助吧拎野食。出面既自助吧，除左有基本既沙律、甜品、乳酪、雪糕機、雪糕。令我出奇既係有好多熟食可以揀，而且味道唔差。以前去過D有自助吧既放題，佢放O係出面既食物多數都完全唔得。飲品櫃又超多選擇。至於Order紙既食物，壽司同刺身既選擇，個人覺得相對比較少左DD。熟食方面就變相會多返D，刺身都叫做新鮮，值得一提既係，佢地既手卷係一口手卷。反而我幾鍾意，除左係因為有海膽手卷之外，份量一啖過，想試手卷又唔洗驚咁大份量，食到飽哂而食唔到其他野，幾過癮。較深刻印象既係"黃金蝦"，蝦夠鮮，大細適中，味道比得上出面既大排檔，唔錯唔錯！訂枱既時候，職員已經講明用餐時間2小時，我地食到9點半時有職員同我地講last order兼埋單。但因為有朋友仲食緊既關係，我地問職員「埋左單之後係咪就要交枱，因為我地仲有個蛋糕未拎出黎」結果職員好好禮貌咁答返我地，埋單