Oslo (已結業)

細佬上月生日，因我忙得不可開交，沒有時間係上個月幫他慶祝，心裡有點兒拖欠，雖則細佬沒有記掛在心，但至終都是過意不去。幸好，今個月稍為空閒些，一於約同父母、細佬食飯，順補祝細佬的生日晚飯，一切都是以細佬喜愛，他最愛是食煎炸食物、意大利薄餅、意粉、讓他食個豐足的晚餐。甜點都好吸引，流晒口水！小食拼盤，樣樣食物都是炸物，是細佬的至愛，夠香脆又美味，雞翼，用牛油酥炸、外脆內軟，不乾身又保留了肉汁，薯條及薯格炸得香脆又唔油膩，好吸引！黑松露焗芝士大蘑菇，即叫即焗，熱辣辣，香噴噴，蘑菇大大隻，像一塊大牛扒，蘑菇上滿鋪上了芝士、黑松露，兩樣都是蘑菇的好配搭，蘑菇吸入了芝士、黑松露的香味，使蘑菇更為美味又可口。