影片
更多
2018-09-21
558 瀏覽
S2 位於佐敦, 柯士甸站行過嚟大概3-5分鐘, 非常便利, 謝謝今晚朋友帶我嚟食好嘢。店內面積不大, 除咗鐵板檯座位可坐8-10人, 還有數張細檯, 今日系平日, 19:30 左右開始有人等位......唔想等位睇住人哋食, 就記得book位, 順帶一提, 若然有朋友生日記得訂位時講一聲, 佢哋會預備一個小小驚喜俾你朋友, 我哋唔知.....冇得玩, 奈何望住人哋玩, 勁葡萄, 哈哈......S2 主打鐵板套餐,我哋計過條數, 食套餐真係抵好多, 價錢由$450-780不等, 毛蟹、龍蝦和牛套餐都有, 套餐有多款供選擇, 當然你亦可以選擇散叫的, 套餐啱我呢啲唔想逐樣揀野食嘅懶人。最吸引當然係呢一個海膽盛宴, 一位成為$1788。今晚我就揀咗呢個中間價海膽焗原隻龍蝦北海道帆立貝海鮮套餐 ($780)朋友就揀咗呢個美國薄燒牛肉北海道二本蟹爪套餐 ($450)小菁柑花旗參茶菁柑有理氣健胃功效, 而花參茶則可清熱補氣, 啱曬清一清啲鐵板食物嘅熱氣, 甘甘地, 順喉又清喉。海膽焗原隻龍蝦北海道帆立貝海鮮套餐 ($780/一人前)1. 沙律 ~ 煙燻鴨胸沙律盛合杯2. 刺身 ~三點刺身3.
店內面積不大, 除咗鐵板檯座位可坐8-10人, 還有數張細檯, 今日系平日, 19:30 左右開始有人等位......唔想等位睇住人哋食, 就記得book位,
順帶一提, 若然有朋友生日記得訂位時講一聲, 佢哋會預備一個小小驚喜俾你朋友, 我哋唔知.....冇得玩, 奈何望住人哋玩, 勁葡萄, 哈哈......
S2 主打鐵板套餐,我哋計過條數, 食套餐真係抵好多, 價錢由$450-780不等, 毛蟹、龍蝦和牛套餐都有, 套餐有多款供選擇, 當然你亦可以選擇散叫的, 套餐啱我呢啲唔想逐樣揀野食嘅懶人。
最吸引當然係呢一個海膽盛宴, 一位成為$1788。
今晚我就揀咗呢個中間價海膽焗原隻龍蝦北海道帆立貝海鮮套餐 ($780)
朋友就揀咗呢個美國薄燒牛肉北海道二本蟹爪套餐 ($450)
小菁柑花旗參茶
菁柑有理氣健胃功效, 而花參茶則可清熱補氣, 啱曬清一清啲鐵板食物嘅熱氣, 甘甘地, 順喉又清喉。
海膽焗原隻龍蝦北海道帆立貝海鮮套餐 ($780/一人前)
1. 沙律 ~ 煙燻鴨胸沙律盛合杯
2. 刺身 ~三點刺身
3. 主菜
a. 鐵板海膽將芝士焗原隻龍蝦
b. 北海道黑松露帆立貝
c. 招牌脆皮煎鰻魚
4. 食事 ~ S2特色黑松露黃金炒飯/焗雜菌
5. 湯 ~ S2鐵板紙包蜆湯
6. 甜品 ~ 泡芙
其實話就一人前, 一條友食咁多野真係堅飽到上心口, 大家想平食正野, 2個女士可以選呢個餐再加散叫。
沙律 ~ 煙燻鴨胸沙律盛合杯
煙鴨胸 ~ 帶微微的煙熏香, 鴨胸肉質都幾軟滑。
滑豆腐 ~ 配埋甜酸麻醬沙律食, 豆腐滑浖浖, 沙律菜又脆口, 醒胃前菜。
刺身 ~ 三點刺身
三款時令刺身, 每日可能有所不同, 我今晚食赤貝、三文魚和牡丹蝦。
三文魚 ~ 色澤亮麗, 肉質嫩滑油香。
赤貝 ~ 鮮甜爽口, 口感頗脆。
牡丹蝦 ~ 巧大隻, 又新鮮, 芥茉都唔使拈, 甜滑。
大廚正在為我哋準備龍蝦中......
鐵板海膽醬芝士焗原隻龍蝦
呢個套餐.....原隻龍蝦上, 絕對係虛榮之選, 制佢過程己聞到香噴噴, 真係睇見都食指大動, 師傅砌好成隻龍蝦後, 再用火槍火炙龍蝦面的芝士, 令色相及香味更為突出。
海膽醬幼滑甘香, Mozzarella cheese 除咗製造拉絲效果, 仲鹹鹹香香, 不過個人略嫌芝士落得多咗啲, 味道過搶.
S2 用原隻新鮮龍蝦, 放上鐵板時龍蝦鬚仲彈下彈下的, 龍蝦size 都 ok 大隻, 有好多龍蝦肉, 啖啖鮮甜爽口, yummy
北海道黑松露帆立貝
小小的黑松露令帆立貝更顯鮮味, 帆立貝剛剛熟, 爽甜唔韌, 清酒汁好好飲, 應該係用了清酒加味醂, 再加埋帆立貝燒出來的汁, 極鮮美
招牌脆皮煎鰻魚
鰻魚係日本菜中嘅摯愛, 因為鍾意它獨有嘅魚油香味, 特別係燒烤/鐵板, 堪稱皮脆肉嫩, 肉質又香又滑, 燒汁香香甜甜, 特別討好女士歡心
你睇下佢個樣幾咁皮脆肉滑, 魚肉又多魚汁, 超正
S2鐵板紙包蜆湯
有創意, 用一個透明膠袋紮住頂部上檯, 幾cute吓, 在客人面前剪開膠袋即可享用, 可惜我掛住食…..忘了影
湯內有豆腐、鮮冬菇、蜆、昆布和秋葵, 湯頭好清甜的昆布蜆湯, 夾雜了少許豆腐、冬菇及秋葵的味道, 個人好鍾意飲清湯, 享受全部來自湯料的味道, 完全冇添加任何增味醬料。
焗雜菌
雜菌我就麻麻地, 平時喺屋企都唔買嚟煮, 唔係太鍾意培植雜菌過程中嗰種up 味。
S2特色黑松露黃金炒飯
實在太鍾意大方得體的師傅了, 你睇下碗飯幾多一點點黑色的黑松露, 炒飯下了雞蛋及大量蔥花去炒, 炒得非常乾身, 粒粒圓潤有咬口, 满口都係黑松露既幽香、蛋香、蔥花香, 還有豉油, 呢個炒飯超好味
甜品 ~ 泡芙
甜品.....我都係中意食雪糕及雪葩多啲
我朋友叫的套餐都有好多好野食, 北海道二本蟹爪、京醬雪魚及美國薄燒牛肉.....我都食咗佢唔少, 好味
海膽焗原隻龍蝦餐, 除左甜品及焗雜菌, 其他味味都整得好鬼好食, 食材又新鮮, 我同朋友走時都勁讚師父, 辛苦晒, 可能好快要辛苦你多一次呢!
張貼
