高流灣海鮮火鍋 (已搬遷) 新店位置

話說晏就同羅小姐鳳小姐食完Dazzling, 四圍行左個幾鐘消化完，其餘3友就到左尖沙咀啦！於是6點鐘就向高流沙進發！沿山林道行，經過數間食店都好吸引，唯獨高流沙個門面十足老套茶樓！上左條小樓梯，到鋪面，店員再指我地入後門，原來裡面仲有間房！我地係第一枱到，好似包左間房咁！擾攘完一輪開始點菜啦，基本野就係午餐肉，響聆，芝士腸，生菜，牛丸，山根，墨魚丸，粟米，鮮准山，冰豆腐！店員特別推哇鬼油條（$68），望望個圖，好似幾有趣就照點了！肥牛方面點了極品手切雪花肥牛 （大$248）！湯底就清湯加沙嗲！湯底好快就到，食物亦都陸續送到，食物分量適中，但略嫌偏貴！尤其是蔬菜類！但一大班朋友食都可接受既！湯底味道不會太濃，味道沒什麼特別，跟一般火鍋店既差不多！基本食物就唔多講啦，正正常常無咩驚喜！要講就講店員推介既哇鬼油條，個名咁特別既？其實係油炸鬼釀海蝦滑，上面痴住蟹子！蝦滑向下滾1分鐘就食得啦！大家都以為一定淋曬啦條油炸鬼，點知無喎！仲好脆！蝦滑好新鮮好彈牙，加上蟹子仲有口感同鮮甜，每啖都脆卜卜！一致好評！再黎就係最愛既手切雪花肥牛啦！雪花好均勻，分量都唔少，同圖片相同！而且厚度適中，滾大概15