上州一頭和牛燒肉 (已結業)

星期六食5-7，睇錯左無早鳥優惠，叫左A5和牛 D餐150分鐘。不過勝在無咩人，侍應服務好，解釋清楚如何點餐、水煎鍋使用等等，上菜快，海鮮、刺身、和牛👍👍我地先用傳統燒烤試均哂啲A5和牛不同部位因為大部份都係和牛比較漏，我地比較鐘意食牛小排、牛上肩、牛板腱同牛肩胛。海鮮方面：無乜影到相。推介有牛油帶子！係一大堆貝柱用錫紙兜住燒，好正！仲有清酒煮蜆，好鮮甜。生蠔都好食。刺身都OK，不如都係主攻和牛同海鮮多。叫左幾轉和牛太漏，就轉左水煎鍋食法（免費轉爐一次）水煎鍋有四個湯底揀，可揀兩個，將啲和牛浸完個汁，再放上中間水煎，竟然唔輸傳統燒法，甚至有啲部份水煎仲好食🤤，太滯又可以煎下菜。但我建議都係先傳統後水煎，因為海鮮大部份都係錫紙兜上，傳統燒較容易受熱、較快熟。所以食啲和牛+多海鮮就轉水煎就啱哂。飲品方面：都係一般放題有嘅差唔多，唯獨竟然有羅漢果消滯，仲要唔甜。有幾款甜品、雪糕不過無影到～150分鐘諗住好長，點知由頭食到尾。綜合各方面，環境舒服、服務好、衞生環境好、嘢食好食，價錢方便如果出面A5和牛散叫都唔止呢個價，會再黎食！水煮鍋真係諗佢唔到可以咁好食，推介壽喜燒配和牛一流👍。始終間舖算新